انتم من فعل هذا

[اينشتين]

السلام عليكم وحمة الله وبركاته
فى البدايه احب ارحب بيكم وبعيدا عن المقدمات البلاغيه احب ادخل فى صلب الموضوع باختصار اولا انا ابتعدت فتره عن الموضوعات المتعلقه بالعقيده واكتفيت انى اتابع موضوعات الموحدين هنا وموضوعات الملحدين هناك دون الانحياز لطرف دون الاخر نادرا لما بكتب مقالات فسامحونى على اللغه الركيكه المستخدمه بس فى حاجات لاحظتها فى صفوف الموحدين هنا بتضعف صفوفهم جدا هما ايه الحاجات دى
1-بتلاقى اى حد دلوقتى ممكن يروح لملحد ويقوله تعالى نعمل مناظره قرا كتابين على مقالتين حس ان هو هيرميهم للملحد الملحد هينبهر وهيعيط وهيقول توبنا ورجعنا الى الله وهو ميعرفش ان الملحد بيكون قارى الكتب دى قبل ماهو يقراهم
2-عناوين الموضوعات بتبقى مستفزه جدا الصراحه ياجماعه على سبيل المثال(هدم الالحاد فى 5 دقائق-مش عارف ايه كده اسئله تحطم الالحاد)وهكذا بتلاقى عناوين تحس انك هتدخل تسمع اللى محدش قاله قبل كده فبتدخل تشوف ياهتلاقيه بيتكلم قضيه فلسفيه معقده جدا زى مثلا ازلية العالم وبيرد عليها بساخافات خياله المريض هيأله ان كده هو بياثر فى الملحد وان الملحد هيشوف كلامه هيتاثر لانه اصلا بيبقى شخص غير مؤهل لا علميا ولادراسيا ولا اى حاجه عشان يناقش موضوعات زى دى فطبيعى ان الملحد ياخد الكلام ده وينشره من تانى على سبيل التهكم السخريه
3-التعليقات نفسها بقى ياجماعه يعنى(س)من الناس عمل مقال محترم هنا فبتلاقى 99% من التعليقات مضمونها (بارك الله فيك) انا مش معترض على التعليق بس انت لازم تعرض وجهة نظرك او حاجه تؤكد راى كاتب المقال يا اما متخليش الشكل العام للمقال عامل زى الزفه واحد بيغنى وناس بتطبل وراه انت كده بتضيع مجهود كاتب المقال انت ممكن تعارضه وتبقى فى صفه او تاكد على صحة وجهة نظره من خلال معارضته هتلاقيه بيرد عليك بمبررات ممكن متكونش واضحه فى المقال يعنى مثال هندسى بسيط الزاويتين المكملتين مجموعهم 180 درجه بيكملوا بعض لكنهم مفصولين عن بعض
4-المقدمات الطويله فى المقالات ياجماعه بصراحه بتصيب القارئ بحاله من الملل وغالبا القارئ معدش بيقراها
5-دايما بتحاولوا تعقدوا الامر على اساس ان اللى يقرا يحس ان الاسلام بيناقش قضايا معقده جدا فى حين ان الملحد بيلعبها صح بيستخدم لغه سلسه بسيطه على اللى بيسمع او على اللى بيقرا فبيقدر انه يزرع شك الى حدا ما اقوى من الايمان اللى ممكن تزرعه قوة بلاغتكم
6-لازم تعرفوا ان جودة البلاغه فى المقال المكتوب وانت بتناقش موضوع علمى ممكن تحسس القارئ انه بيقرا روايه مش بيقرا موضوع له ارتباط بالعقيده او الفلسفه الالهيه فبتضعف جدا من مضمون القضيه المطروحه مش بقولك استخدم اساليب سوقيه لا بس اعرف دايما ان خير الكلام ماقل ودل
وفى امور تانيه كتير مخليانى مستاء من الحال اللى وصلتوا ليه بس للاسف مش هقدر اذكرها فى مقال واحد عشان هى قائمه طويله جدا تحتاج اكتر من قال لى عوده قريبا باذن الله

[Omar Abdullah]

2-عناوين الموضوعات بتبقى مستفزه جدا الصراحه ياجماعه على سبيل المثال(هدم الالحاد فى 5 دقائق-مش عارف ايه كده اسئله تحطم الالحاد)وهكذا بتلاقى عناوين تحس انك هتدخل تسمع اللى محدش قاله قبل كده فبتدخل تشوف ياهتلاقيه بيتكلم قضيه فلسفيه معقده جدا

خمسه دقائق كثيره في حق الفكر الإلحادي وانما هي دقيقه واحده فقط تكفي لنسفه . ولكن المشكله تكمن في ذات الملحد .
( وَلَقَدْ صَرَّفْنَا فِي هَٰذَا الْقُرْآنِ لِلنَّاسِ مِنْ كُلِّ مَثَلٍ ۚ وَكَانَ الْإِنْسَانُ أَكْثَرَ شَيْءٍ جَدَلًا )

[اينشتين]

خمسه دقائق كثيره في حق الفكر الإلحادي وانما هي دقيقه واحده فقط تكفي لنسفه . ولكن المشكله تكمن في ذات الملحد .
( وَلَقَدْ صَرَّفْنَا فِي هَٰذَا الْقُرْآنِ لِلنَّاسِ مِنْ كُلِّ مَثَلٍ ۚ وَكَانَ الْإِنْسَانُ أَكْثَرَ شَيْءٍ جَدَلًا )

اذا لماذا كل هذه الموضوعات والمقالات
طيب انا هفترض معاك جدلا ان كلامك صح

اهدملى الالحاد فى سطر اقراه فى مده لاتزيد عن دقيقه ونفترض جدلا برضه انك بتناقشنى وانا ملحد يعنى لازم تكون اسلحتك الناسفه بعيدا عن القراّن والسنه لان الملحد مش مؤمن بكلامك

اتفضل انسف

[Omar Abdullah]

نحن بمجرد أن نثبت وجود الله عز وجل ( حاشاه من عدم الوجود ) ينتهي الحوار ببساطه . ومن عدالة الله سبحانه و تعالى ان يرسل إلينا الأنبياء و الرسل صلوات الله عليهم ليوجهونا لطريق الحق .

[اينشتين]

طيب ياباشا انت لو بتناقش واحد ملحد وسمع منك الكلام ده هيعمل زى ما انا قولتلك مش هتشوف منه غير التهكم والسخريه على اعتبار ان ماقرأته هو هدم الالحاد بس انت بسطورك قويته اكتر

هتلاقيه تلقائيا بيسال اسئله بديهيه جدا
يعنى وجود الله غير مثبت حتى الان؟!فالحوار مستمر

ومن عدالة الله سبحانه و تعالى ان يرسل إلينا الأنبياء و الرسل صلوات الله عليهم ليوجهونا لطريق الحق .

هتلاقيه الملحد بيقولك برضه ازاى وانت لسه بلسانك قايل ان احنا بنحاول نثبت انه موجود وهيتلاقيه بقى دخلك فى قضايا فلسفيه زى مثلا هل العدم موجود ولو موجود اذا فهو غير عدم وانت على ماتستوعب الاسئله متهيالى الدقيقه هتكون عدت صدقنى الموضوع اكبر من الدقيقه بكتير

[Maro]

وعليكم السلام ورحمة الله وبركاته...
حضرتك تقول:


واكتفيت انى اتابع موضوعات الموحدين هنا وموضوعات الملحدين هناك دون الانحياز لطرف دون الاخر
أولاً: عدم انحيازك لطرف الموحدين هو مؤشر خطر... عليك تداركه مع نفسك قبل فوات الأوان !
ثانياً: شكراً لك على النصائح والملاحظات... حتى وإن كانت فى غير محلّها... حتى وإن كانت كلها تنحاز بوضوح لصالح الملاحدة !

[اينشتين]

لا انا مدركه جدا الحمد لله موحد وايمانى اقوى ومن ضمن ناس كتير تمت هدايتهم بفضل الله وبعض المتميزين فى هذا المنتدى الكريم مع العلم انى كنت من اشد الملحدين اللى ممكن تقابلهم فى حياتك عنادا بس عدم انحيازى بمعنى متابعه دون مشاركه لان ما امتلكه من العلم ضئيلا جدا
مما لايؤهلنى لمناقشة هذه المسائل وبعدين لو عاوز انحاز للملاحده هتلاقينى جى بسخر منك لكن انا مبسخرش منك انا بقولك فى حاجات بشوفها هنا فى المنتدى تعيب فى حقكم كلكم وزعلان على الوضع الحالى مش اكتر وبشوف حاجات ع اليوتيوب ع الفيس فى كل حته بتعيب فى حقنا كموحدين احنا فلسفتنا اقوى من فلسفتهم معاك دين ممكن توصل بيه لقيم(الحق-الخير-الجمال)هما ممعهومش ده ناقش فى منطقة القوه عندك متروحش لمنطقة قوتهم اتمنى تكون فهمتنى

[To Allah]

أتفق معك في موضوع السلبيات في المناقشة والسرد او صياغة المواضيع لانها بتكون مدخل للملحد انه يشكك وينقد مصداقيتك كمؤمن
لكن لا اتفق معك في نقاط قوة الملحدين لأن ليس لهم نقاط قوة .

[د. هشام عزمي]

المنتدى مكان للحوار والنقاش وطرح وجهات النظر ، ومن الطبيعي والمتوقع أن تجد فيه مقالات من نوعية (تعلم الروسية في 3 ساعات) و(اكسب الأصدقاء في 3 دقائق) و(كيف تصبح مليونيرا في 3 أيام) بجانب غيرها من الكتابات الأكثر رزانة ورصانة .. فبالراحة شوية يا عم اينشتين وخليك فريش كده ..

[اينشتين]

أتفق معك في موضوع السلبيات في المناقشة والسرد او صياغة المواضيع لانها بتكون مدخل للملحد انه يشكك وينقد مصداقيتك كمؤمن
لكن لا اتفق معك في نقاط قوة الملحدين لأن ليس لهم نقاط قوة .

شكرا لمرورك وتلخيصك محتوى سطورى فى كلماتك القليله
انا بعتبر الفهم الخاطئ لسيكولوجية الملحد او سيكولوجية الالحاد بشكل عام نقطة قوة الملحد هديك مثال بسيط
كنت بتفرج على برنامج تلفزيونى كانوا مستضفين ملحد والمفروض ان الملحد جى مهيأ نفسه انها مناظره يفاجئ ان المذيعه والمناظر بيشخصوا حالته على الهوا على انه مريض نفسى وبيسالوه اسئله عن شخصه انا لو مكان الملحد والعياذ بالله بعد الحلقه دى هكابر اكتر واعاند اكتر لانه اتعرض لضغط نفسى رهيب انا مش فى صف الملحد لكن ده الحق والحق حق ان يتبع
مش واحد طالع يعرض فكره هقوله انت باباك ومامتك والبيت وكده انا كمشاهد محايد وتجردت من عاطفتى نحو دينى اكيد هحس بتعاطف مع الملحد ركز انا بقول مع الملحد مش مع قضية الملحد او فكر الملحد

[اينشتين]

المنتدى مكان للحوار والنقاش وطرح وجهات النظر ، ومن الطبيعي والمتوقع أن تجد فيه مقالات من نوعية (تعلم الروسية في 3 ساعات) و(اكسب الأصدقاء في 3 دقائق) و(كيف تصبح مليونيرا في 3 أيام) بجانب غيرها من الكتابات الأكثر رزانة ورصانة .. فبالراحة شوية يا عم اينشتين وخليك فريش كده ..

انا فريش جدا على فكره ومش قادر اوصفلك اد ايه تعليقك ضحكنى

[To Allah]

شكرا لمرورك وتلخيصك محتوى سطورى فى كلماتك القليله
انا بعتبر الفهم الخاطئ لسيكولوجية الملحد او سيكولوجية الالحاد بشكل عام نقطة قوة الملحد هديك مثال بسيط
كنت بتفرج على برنامج تلفزيونى كانوا مستضفين ملحد والمفروض ان الملحد جى مهيأ نفسه انها مناظره يفاجئ ان المذيعه والمناظر بيشخصوا حالته على الهوا على انه مريض نفسى وبيسالوه اسئله عن شخصه انا لو مكان الملحد والعياذ بالله بعد الحلقه دى هكابر اكتر واعاند اكتر لانه اتعرض لضغط نفسى رهيب انا مش فى صف الملحد لكن ده الحق والحق حق ان يتبع
مش واحد طالع يعرض فكره هقوله انت باباك ومامتك والبيت وكده انا كمشاهد محايد وتجردت من عاطفتى نحو دينى اكيد هحس بتعاطف مع الملحد ركز انا بقول مع الملحد مش مع قضية الملحد او فكر الملحد

ههههههههه , المجتمع الشرقي بينظر للملحد وكأنه شاذ لأنهم لم يعتادوا على وجهات نظر تعترض على وجود خالق فالايمان بالله في المجتمع الشرقي يعتبر من المُسَلَّمات او البديهيات الا من كان له باع في القضية , والقضية دي بتصنع للملحد حالة غرور وكبرياء وبيظن نفسه عبقري في وسط مجتمع متخلف وبيبقى دائم التعلق بالمجتمع الغربي فيما بعد .

[Maro]

انا بقولك فى حاجات بشوفها هنا فى المنتدى تعيب فى حقكم كلكم وزعلان على الوضع الحالى مش اكتر وبشوف حاجات ع اليوتيوب ع الفيس فى كل حته بتعيب فى حقنا كموحدين
إذاً فليكن نقداً بناءاً يا أخى الحبيب...
وإدارة المنتدى فتحت لنا أكثر من مجال لمناقشة السلبيات والوقوف على سبل الإرتقاء بالحوارات والمناظرات التى تتم... إلخ
لكن لا تأت لنا وتقول: (أنتم من فعل هذا) !
ماذا فعلنا يا أخى ؟!!
سبحان الله !

احنا فلسفتنا اقوى من فلسفتهم معاك دين ممكن توصل بيه لقيم(الحق-الخير-الجمال)هما ممعهومش ده ناقش فى منطقة القوه عندك متروحش لمنطقة قوتهم اتمنى تكون فهمتنى
الكفار ليست لديهم أية مناطق قوة !
اللهم إلا الدعم المالى الذى تتلقاه منتدياتهم من الجهات الصهيونية والتنصيرية...
لو كنت تتحدث عن قناع العلم الذى يرتدونه... فهذا القناع لا ينخدع به سوى ذوى الآفات، أعاذنا الله وإياك.

وثق تماماً أن الحق أبلج مهما انخفض صوته...
والباطل لجلج مهما تكبّر واغتر.

خذ جولة فى مواضيع المنتدى القديمة والحديثة وسترى أنه لا يهتدى إلى الحق سوى أصحاب العقول...
وأنه لا يهلك فى الباطل إلا هالك.

[Maro]

ملاحظة أخيرة إن شاء الله:

وبشوف حاجات ع اليوتيوب ع الفيس فى كل حته بتعيب فى حقنا كموحدين
حتى ولو بعث الله صحابة النبى ( ص ) وسجّلوا معنا هنا فى منتدى التوحيد... لن يتوقّف التندّر.
التندّر واللمز سنّة ملازمة للدعوة يا أخى...
وهى ضرورية جداً لتذكيرنا دائماً بأننا نسير فى الطريق الصحيح !

[أسلمت لله 5]

احنا فلسفتنا اقوى من فلسفتهم معاك دين ممكن توصل بيه لقيم(الحق-الخير-الجمال)هما ممعهومش ده ناقش فى منطقة القوه عندك متروحش لمنطقة قوتهم اتمنى تكون فهمتنى

هذه الفلسفة أيضا لا تكفى إن كنت فهمت قصدك- فمنطقة القوة الوحيدة عند الملحد وعند أى مادى " فى ظنه "هى الغيبيات لأن أسهل ما يستطيع إنكاره عليك هو الغيب -وفى النفس المريضة عند المُلحد فإن سخريته من الغيب طبيعية جدا ولا يمكنه أن يقف على الدلائل والبراهين مهما تراكمت على وجود ما لا يراه لذلك سيكولوجية الملحد مبنية على أنه كائن مادى شاذ عن الفطرة البشرية (( هم كالأنعام بل أضل))

سيدنا نوح عليه السلام عرض على قومه الأدلة والبراهين والآيات ولكن كانو يكفرون وكانو قوما ماديين مجادلين ..

والأنبياء لا يسئمون دعوة الكفار إلى الله عز وجل رغم عنادهم كالبشر فقالو:

{ قَالُوا يَانُوحُ قَدْ جَادَلْتَنَا فَأَكْثَرْتَ جِدَالَنَا فَأْتِنَا بِمَا تَعِدُنَا إِنْ كُنتَ مِنْ الصَّادِقِينَ}(8). هـود

وسيدنا نوح عليه السلام يعلم أنه ليس بيده سوى التبليغ والنذير وتقديم الآيات والبراهين فقال

قَالَ إِنَّمَا يَأْتِيكُم بِهِ اللَّهُ إِن شَاءَ وَمَا أَنتُم بِمُعْجِزِينَ (33) هـود
(وَلاَ يَنفَعُكُمْ نُصْحِي إِنْ أَرَدتُّ أَنْ أَنصَحَ لَكُمْ إِن كَانَ اللَّهُ يُرِيدُ أَن يُغْوِيَكُمْ هُوَ رَبُّكُمْ وَإِلَيْهِ تُرْجَعُونَ) 34 -هود
- وبعدها حدث ما حدث وأتى الأمـر

أى أنه برغم ما قدم من الدلائل والآيات كانو يمرون على السفينة ويسخرو منه عليه الســلام فقط لأنه يدعـو للغيب ولا بأس أن ترمى الآيات والدلائل فى مخلفات العقل الواعى ..

الخـلاصة والتى فهمتها أننا لا ندعــو المـلاحدة بشخصهم ولا نقدم لهم البراهين آخذين فى الحسبان أنهم سيؤمنون بالأدلة ولكن الدعوة الأساسية هى دعوة المتذبذب التائه والذى يريد الحق وإن كانو قلة كالقلة التى آمنت ونجت مع نوح عليه السلام .. أما الملاحدة يكفينا وأن أقمنا عليهم الحجة ومقابلتهم الحجة بالسخرية والتضليل حول الحقيقة فهذا فى الحسبان .. فمهما قدمت الدليل كلما سيمر عليه قوم من الملاحدة سيسخرون منه للتضليل وإن يسخرو منا فإنا نسخر منهم كما يسخرون:):

فيكفى على قوة الحجة وقيامها على الضال أنها هدت من أبصرها ووجدها وأيقن بها بعد البحث وفى نفس الوقت قامت على من ضل وغوى ورفضها ظلما وكبرا . والله أعــلى وأعلــم

[أسلمت لله 5]

وهذا الموضوع الذى انتهى قريبا خير مثال ..

http://www.eltwhed.com/vb/showthread.php?35586-%DA%C7%CC%E1-%C7%E1%DA%E1%E3%C7%C1-%C7%E1%C7%E3%D1%ED%DF%ED%ED%E4-%ED%C3%E3%D1%E6%E4-%C7%E1%DA%C7%E1%E3-%C8%C7%CA%C8%C7%DA-%D3%E4%C9-%D1%D3%E6%E1-%C7%E1%C5%D3%E1%C7%E3-%CC%CF%ED%CF

تابعه للنهاية وإنظر إلى كيف يجادل المخالف فى الحق الابلج ثم رتل قول الله عز وجل

http://www.alawfa.com/AyatImages/43_78.gif

[muslim.pure]

اولا اثبات وجود الله من البديهيات و في كلمتين يمكن ان تثبت وجود الله
دليل الفطرة
و لمن نكست فطرتهم نقول لكل سبب مسبب و الكون موجود اذا الله موجود
اما تلك المقالات الطويلة فهذا المنتدى مخصص للرد على الملاحدة و تفنيد شبهاتهم و طبيعي ان تجد مقالات مطولة للرد عليهم و الحديث في جدالات فلسفية و شبهات فزيائية و في نظرية التطور.... و كذلك ردود على شبهات حول الاسلام و ليس معنى هذا ان مسالة وجود الله مسالة تحتاج كثير تفكير و اثبات و لكن رد شبهات لمساعدة طالبي الحق المتاثرين بهذه الشبهات للعودة الى الحق
ثانيا ما هكذا يكون النقد بل النقد يجب ان يكون بناء اما هذا فاراه انحياز الى صف الملحدين
ثالثا ليس للملحدين نقاط قوة و لا لاي كافر امام الاسلام نقاط قوة

[محبة الاسلام والعلم]

السلام عليكم ورحمة الله وبركاته
اهلا فيك اخى اولا ,,,,




3-التعليقات نفسها بقى ياجماعه يعنى(س)من الناس عمل مقال محترم هنا فبتلاقى 99% من التعليقات مضمونها (بارك الله فيك) انا مش معترض على التعليق بس انت لازم تعرض وجهة نظرك او حاجه تؤكد راى كاتب المقال يا اما متخليش الشكل العام للمقال عامل زى الزفه واحد بيغنى وناس بتطبل وراه انت كده بتضيع مجهود كاتب المقال انت ممكن تعارضه وتبقى فى صفه او تاكد على صحة وجهة نظره من خلال معارضته هتلاقيه بيرد عليك بمبررات ممكن متكونش واضحه فى المقال يعنى مثال هندسى بسيط الزاويتين المكملتين مجموعهم 180 درجه بيكملوا بعض لكنهم مفصولين عن بعض


شوف ...بمنتهى الصراحة راح اتكلم ...
المنتدى هذا مختلف عن بقية المنتديات ...
يعنى بتلاقى فيه مناقشات وكلام راكز ...ما فيه كتير ثقافة مشكور وزيادة المشاركات ...
وقليل منتديات مشابه له بهالنقطة ....

فى بعض الأحيان بتدخل بتلاقى انه الموضوع رائع بجد واستفدت منه ...وما عندك شىء تضيفه ..وما عندك استفسار حول نقطة ..
طبيعى وقتها انه تشكر صاحب الموضوع وتدعيله ....حق المسلم عليك الدعوة والنصح والدعاء له والوقوف بجانبه ...
احيانا تجد ان كلام المقال جميل جدا ...فوقتها بتوافقه بكلمة صحيح ...بدون مناقشة ....

فيه أعضاء كتير ومحاورين معروفين بانهم بيحبوا يتكلموا وما شاء الله عليهم كلامهم موزون ..
ممكن أحيانا تجد لهم ردود بالدعوة فقط لاخوتهم ...فهل هؤلاء مثلا ما بيعرفوا يناقشوا وهم محاورين أفاضل ؟؟؟!!!
اكيد لا ...كل المسألة انه أحيانا بنلاقى انه الكلام اللى بدنا نقوله ..انقال ..فنكتفى بالدعاء لاخوتنا ...

بعض المواضيع بتكون رائعة ..بتحتاج انك تخليها بالمقدمة ..بتكتب للرفع او بتكتب دعاء للاخوة ...
الاخوة هنا لا بيهمهم يزيدوا مشاركاتهم ..ولا همى ناس مراهقة جاية تتسلى وتضيع وقت وتلعب ...

انا شايفة منتديات كتير ..وبيتستفزنى جدا بكلمة مشكور ..خاصة عندما تكون مشكور بموضوع نقاشى !
يعنى صدقنى مش حتكون أكثر منى كره لكلمة مشكور ويسلمو على الموضوع ...الخ

فقط مثل ما أخبرتك ..ما بيكون عنا كلام نضيفه حاليا ..او بيكون عنا كلام كتير بس مشغولين مثلا فنقوم بتأجيل الرد ...
ومش غلط نناقش وندعى لبعض ...