انا عايزة اعرف الحقيقة ............اكون مؤمنة ولا ملحده بالله
انا الصراحة مش عارفة استفاد كويس من المنتدى لانه معظم مواضيعه غير مهمه للباحث عن الحق الحقيقى
انما كل المواضيع جدال ليس له فائده للباحث عن الحق الحقيقى
مع احترامى للمنتدى
انا عارفه الرد هيكون ايه .مين انتى عشان تقيمى المنتدى وانتى داخلة هنا تتسلى و المنتدى ساعد ناس كتير فى الخروج من الالحاد
ولكن انا مش شايفة كده
انا شوفت واحده حبت الرسول بعد ثلاث ايام من اسلمها ..شوفت قصة واحد تقريبا اسمه فايبر ومات وشوفت دكتور مجرد حوار صغير فى نقطة صغيرة اسلمت شوفت قصة ايضا
ان واحد كان ملحد كان مريض وكان يدعى الله وسبب الحاده عدم استجابت الدعاء ونهاية القصة انه اسلم بس برضوا لم يستجيب الله دعاءه حتى كل من تابع القصة افتكر انه تم شفائه ومعظم المواضيع مع احترامى مش شيفها مفيده
واثبات ان الملحد غير عاقل
انا على فكرة لا ادرى ......يعنى مش عارفة الله موجود او غير موجود يعنى عندى نسبة وجوده زى نسبة عدم وجوده 50%
انا عايزة فى هذا الموضوع ان نكون ليس اعداء انما مختلفين فى الفكر
انا عايزة اعرف حاجة سواء مسلم او ملحد
للمسلم ليه انت متاكد من وجود الله ؟وليه مش معترف بالتطور ؟
الملحد..ما هو السبب الاساسى وراء الحادك وبدء الموضوع معاك ازاى؟
انا من اكبر اسبابى عدم استجابة الدعاء ودخولى فى حورات اديان خلتنى عرفت الاطراف الاخرى وانى مش عايشة فى العالم لوحدى