انا عايزة اعرف حاجة عن الاله فى الاسلام
طبعا كونى مسلمة سابقة فرجعت تانى اكون مسلمة وبصلى دلوقتى وكله تمام
ولكن يوجد اكثر من 2000 ديانة فى العالم كله وكلهم عندهم اعتقاد وجزم انهم على حق واللى مش معاهم فى ضلال
احيانا بحس انى بكلم نفسى لا يوجد تواصل روحانى بينى وبين الله ابدا ابدا..
رغم انى بعمل اللى عليه
انا مش مقتنعة بوجود رب ..ولكن بقول ممكن اكون على غلط والعلماء يكونوا على غلط وممكن فعلا يكون موجود رب
وانا اسرعت بالخطوة الاولة وانى انا روحت تانى لربنا ..مش عندى يقين ورحت عشان اكون عملت اللى عليه
لا يمكن ان الرب الرحيم الغفور ..اللى يتقرب من شبرا يتقرب اليه ذراعا..ان يتركنى هكذا .ويترك غيرى هكذا فى اللغز الكبير
فى اسئلة لا يوجد لها رد مقنع اطلاقا.مش تكبر ولكن عدم اقتناع
ولما تطلب من الله الهداية لا يوجد رد ابدا ابدا
يعنى فعلا لو فى رب هنكون احنا الضحايا..كنت اتمنى ان اكون مسلمة بالوراثة واقفل عقلى واعيش مرتاحة ..ندمت انى بحثت وعرفت العالم ومن حولى
عرفت خرفات كتير
ازاى اتواصل مع الله ..هل حد يعرف كيف اتواصل معا الله
بالصلاة ..عادى لم اشعر بشىء
بالدعاء..ياااااااااااااااااااااااا
اااااااااااااااااااااااااااااااااه ياما دعينا ولا طولنا
ازاى اعرف المعادلة من هو الله
من اكتر الاسباب اللى بتخلينى مش حاسة ان فى رب
لانه فى جميع الاديان صفاته .انه رحيم وبيحبنا وبيغفر الذنوب كلها...ويوجد وصف لجهنم شديد العذاب
بعد هذه المقدمة .رغم عدم اقتناعى ولكن انا هتقرب الى الله الى الله اكتر من خلال نصائحكم .اقول .
بسم الله الرحمان الرحيم..اشهد ان لا اله الا الله وان محمد رسول الله
اسئلتى
1-كيف اتقرب الى الله
2-ازاى اعمل تواصل مع الله واشعر به
3-ماهى افضل طريقة لكى يستجيب الله الدعاء
4-من هو الله وماهى طريقة تفكيره فى ادارة الكون
5-لماذا لايظهر الله لنا