دى حكايتى فهل من مساعد لى؟
السلام عليكم ورحمة الله وبركاته
انا فتاة ابلغ من العمر 18 سنة الحمد لله مسلمة واصلى واصوم بفضل الله من حوالى سنتين بدات تجيلى افكار غريبة عن وجود الله وعن الاخرة وحاجات استغفر الله مش قادرة اقولها وانا مش عارفة اية السبب لدرجة انى ببكى بالساعت لوحدى لانى مش عارفة مالى مع انى الحمد لله حلمت بالرسول ( ص ) وسلم عليا وضحك لى عليه افضل الصلاة والسلام والمشكلة انى بتعذب لانى حسة انى انسانة كافرة وملحدة وببكى كتير اوى اوى ومفيش حد حاسس بيا وبعيش اصعب ايام حياتى وانا لما لقيت المنتدى دة بيتكلم عن الدين الاسلامى ووجود الله فرحت جدا لانى برتاح جدا لما الاقى الادلة والبراهين التى تثبت وجود الله وصحة اليدين الاسلامة ونفسى ارجع ذى ما كنت احس بحلاوة الايمان التى لا يعادلها حلاوة اى احساس وانا حسة انى سوف اشفى بفضل الله اولا ثم بمساعدتكوا ليا والله يا جماعة انا بتعذب جدا مع العلم انى روحت لطبيب علم نفس وقاللى انتى عندك وسواس قهرى وعطانى ادوية ومع ذلك لسة تعبانة اوى اوى ونفسى الافكار دى تروح من عندى لان محدش بيحس بيا غير ربنا وكنت بلجأله دايما فى الفرح والحزن لانه سبحانه وتعالى حنين اوى على عباده عشان كدة دة اللى مخلينى بعيط اسفة يا جماعة طولت عليكوا وارجو محدش يحس انى انسانة مش كويسة لانى والله غصب عنى الافكار دى
والسلام عليكم ورحمة الله وبركاته