السلام عليكم ورحمة الله وبركاته
احب اوضح لكل اللى بيقرأ موضوعى ان عنوان موضوعى كما هو واضح لماذا اعبد الله؟
طبعا السؤال ده مش انا اللى بساله وانما كان عنوان لفيديو لاحد الملحدين على اليوتيوب والملحد طرح كام قضيه فى الحقيقه شغلوا بالى مده طويله من الزمن قبل ما اشوف الفيديو يمكن فكرت فى القضيه قبل ما اشوف الفيديو ب5 سنين فانتوا ممكن تعتبرونى برد على القضايا المطروحه من جانب هذا الملحد وملقتش مكان ممكن اعرض فيه وجهة نظرى غير المنتدى هنا فاللى انت بتقراه وجهة نظر ولا انا مفكر ولا باحث ولا شيخ ولا اى حاجه انا واحد عادى جدا حابب اعرض وجهة نظرى هنا وده لسببين
1-لان بداية رجوعى للاسلام كانت فى المنتدى هنا منذ حوالى سنتين
2-متهيالى فى المنتدى هلاقى اللى يصححنى لو غلطت وهتكون الاستفاده اكتر باذن الله
واسمحولى استغل الفرصه واقدم التماس للقارئ ياريت تفضيلى دماغك خالص ثوانى ومتتخضش من اسلوبى لان اسلوبى ممكن يكون جديد عليك بس انا قررت ابتعد عن المالوف شويه عشان فى ناس طالبه منى الرد على الفيديو فى مقال والناس غير مسجلين فى المنتدى بيكتفوا بالمتابعه فقط دون المشاركه وطلبوا منى الاسلوب يكون بسيط عشان يقدروا يستوعبوا اكبر قدر ممكن وبالمناسبه هما ملحدين جدد وطبعا الرد هيكون بعيدا عن القراّن والسنه لانهم مش مؤمنين بيهم
ندخل فى القضايا
اول قضيه انطرحت فى الفيديو قضية تبادل المنفعه بتلاقى الشخص بيطرح اسئله هو انا ليه اعبد ربنا وهو عايزنى اعبده ليه طالما هو اكيد مش هيستفيد حاجه من عبادتى له وبعدين انا
مطلبتش الحياه دى فيما معناه بقى متستناش منى شكر على هديه انت ادتهالى
وجهة نظرى المتواضعه
لو الشخص ده مش موجود متخلقش كل واحد كده بينه وبين نفسه يجرب يتخيلها انا لو مكنتش اتخلقت مش هتعرف تتخيلها ببساطه لان عقلك غير مهيئ انه يستوعب اى شئ يندرج تحت مسمى العدم واتحدى اى مخلوق على وجه الكره الارضيه انه يقولى انا تخيلت العدم ببساطه انت عمرك ماكنت مش موجود
غير عند اللى اوجدك انت غير مدرك العدم لانك خلقت من العدم على يد من اوجد العدم يعنى لو انت كملحد اكيد بتعتقد ان مابعد الحياه هو العدم او كان قبلها عدم اليس لهذا العدم من خالق؟
العدم ده جه لوحده كده انا اهوه عدم فمن وجهة نظرى فالعدم مخلوق من مخلوقات الله خلقه الله من عدم فسبحان الذى اوجد العدم من عدم ثم خلق من العدم من هم غير قادرين على الخلق من عدم فعبدت الله لان عبادتى لاتفيده بشئ فليس هذا باله الذى ينتفع من عبادة مخلوقاته ولو انى فى قلبى ذرة شك ان الله يحثنى
على عبادته لانه ينتفع من وراء عبادته لاعبدته ابدا ولكنى اعبد الله لان الله احبنى قبل ان يخلقنى من عدم فخلقنى فوحدت بالله الغنى عن عبادتى وعبادة جميع مخلوقاته
اتمنى اكون وفقت فى الرد وانتظروا الرد على باقى القضايا المطروحه لنا لقاء اخر باذن الله بعد تعليقاتكم لاعلم انى اسير على الدرب الصحيح
وان اخطات سامحونى
Bookmarks