البقاء لله // للشاعر // محمد أبو زيد الاسيوطي

[محمد أبو زيد]

البقاء لله
( قصيدة للشاعر // محمد أبو زيد الأسيوطي )
البقاء لله
توفي فجر أمس
حاكم الإسلام
وحس
الرعية
بالخبر
وأعلنت بعض الجرايد الخبر
وفي ثواني انتشر
قالو مات
مات أمير المؤمنين
والخطر
دق الببان
قلت ايه قول كمان ؟
هوه مش مات من زمان ؟
مش عمر ؟
قالو لاء
قلت آمال مين بحق ؟
تقصدوا أبو بكر ؟
ولا
عثمان ؟
هوه
ولا
تقصدوا
سدنا علي ؟
همه دول الخلفاء الراشدين
اللي اعرفهم انا
قالو فيه واحد كمان
عاش امير سنين لنا
يبقي مين؟
بن عبد العزيز
ايوه كان
خامس الخلفاء وكان
عصره عزيز
ع المسلمين
بس ده مات من سنين
قلت مين؟
مهما كان
بس اللي مات
يعني اغلي من الرسول
لما مات
جد الحسن والحسين
دا الرسول فارق وفات
للبشر قران مبين
واحنا إيه مش مؤمنين!
كلنا ح نموت ونرحل
أجمعين
قالو روحت بعيد
بمخك التخين
الأمير ده في عصرنا
قلت ح اتجنن انا !
مين
أمير المؤمنين
اللي عايش للسعادى؟
قالوا يا بني
اللي ليل ونهار بيني
في القصور للسنادي
اللي ساب القدس ياخدوها
وساب ليهم بلاي
اللي مرر قوت ولادي
اللي ساب بغداد تهاتي
اللي كرهني في حياتي
اللي باع إسلامنا سابنا مغلولي الأيادي
اللي صاحب الأعادي
قلت بس
عرفتوا لكن الحكاية
فيها لبس
الأمير لسه بصحة والخبر كان اختبار
قالوا يا ميت ألف فرحة
عهده كان مليان عمار



اشكركم
وتحياتي
الشاعر // محمد أبو زيد الأسيوطي

[ايمان نور]

قالوا يا ميت ألف فرحة
عهده كان مليان عمار
آآآآآآآآآآخ !!
وننتظر أمير للمؤمنين فى كل بلد مسلم بإذن الله .
جزاك الله خيرا أخى وننتظر المزيد
بارك الله فيك ..
حياك الله بيننا ،

[محمد أبو زيد]

شكرا جزيلا للاخ الكريم تحياتي