>>>> 2 شاى لو سمحت <<<<

[بحب دينى]

مقدمه
((1))
بسم الله والحمد لله المتفضل بكرمه على عباده المخلصين الطائعين ، والصلاة والسلام على حبيب القلوب المصطفى صلى الله عليه وسلم ،اما بعد اخوانى :
فهذه قصه بسيطه مختصره ، اقدمها لكم وللزملاء المخالفين لنا فى هذا المنتدى الذى احببته واحببت المشاركه فيه ، للرد على معظم الشبهات العقليه التى قد تطرآ على الانسان وايضاً للرد على كل من يثار فى عقله شبهات من :" الملحدين -الـ لادينين -المسلمين النص نص .. إلخ إلخ إلخ "
واحداث هذه القصه -ليست حقيقيه - ولكنها موجز بسيط لحوار بين مسلم وطالب للحق جلسا على طاوله فى احد المطاعم الراقيه !، ليتداولو وجباتهم المطلوبه ويدور الحوار بينهم على ايام متتابعه يجلسون فيها على هذه الطاوله لتناول وجباتهم .
الزمان : نهار دائماً من الساعه الثانيه الى الثانيه والربع دائماً. المكان : مطعم وشركه .
الاشخاص : محمد ، مصطفى ،الجرسون

(2)
محمد : السلام عليكم ،اهلاً اهلاً ازيك يامصطفى ...عامل ايه !؟ ايه انت شغال معانا هنا !؟
مصطفى : وعليكم السلام ورحمة الله ، كويس يامحمد بس متضايق شويه ، اه شغال هنا وآول يوم لى النهارده بعد جواب التعيين فى الشركه دى ، انت شغال هنا من زمان صح ؟
محمد : ايوه ياعم ، ده انا قديم وخبره هنا هههه ، متقلقش الموضوع سهل جداً ومع الايام هتتعود ، ومسيرى افكرك ، خذ الموضوع بأريحيه ومعلش هى فى الآول كده .
مصطفى : ما انت عارف يامحمد انا لسه متخرج وآول مره اشتغل ،والمكان شكله معقد شويه عليا ومعرفش حد ، ده غير الى انا حاسه من جوايا !، حاسس انى مش مرتاح ابداً ، حاسس انى مخنوق رغم الوظيفه الحلوه دى ومرتبها كويس !، بس المشكله انى حاسس انى متضايق شويه من نفسى .
محمد: مالك ياعم فيك ايه ، من زمان مقابلتكش ، ده انت وانت صغير ايام ما كنت انا فى الاعداديه ، كنت شقى ومبتبطلش لعب !، ومالىء بيتكم دوشه ، كنت مجننى مش عارف ازاكر ! ، فرفش كده وقولى مالك !؟
مصطفى : احكيلك ببساطه بس لازم نقعد فى مكان هادىء نتكلم فيه براحتنا ، ايه رآيك نروح المطعم الى هناك ده ؟ .
محمد : وهو كذلك مفيش مشكله ، ده انا دائماً هناك ليل نهار ، بأخذ وجباتى على السريع هناك لغاية ما اروح ، ياله بينا .
محمد : تعالى هنا جمب النيل ، على الطرابيزه الى هناك دى .... ايه رآيك ؟ .
مصطفى : مفيش مشكله وخصوصاً انى هفتح الــ لابتوب بتاعى شويه اتسلى واحنا قاعدين واشوف اخر الاخبار فياحبذا لو نقعد عليها لان مفيهاش شمس كثير تعكس الاضاءه فى الــ لابتوب !.
محمد :وهو كذلك : تشرب ايه ؟
مصطفى : ياراجل ده سؤال يتسأل ! ، شاى مصرى طبعاً ، ههههه احنا شعب شرابه الاساسى الشاى.
محمد : وانا كمان عايز شاى ، اثنين شاى لو سمحت !!!.
الجرسون : حاضر يافندم !!.
صوت فاتحة الــ لابتوب ، واضاءة شاشته وجلسه خفيفه حوالى دقيقه ونصف لمصطفى باحثاً عليه فى احدى المنتديات !!.
محمد : ايه ياعم مش هتحكيلى مالك !؟
مصطفى :ما انا بدور اهو ! .
محمد : بتدور على ايه !؟
مصطفى :على الى تاعبنى ! .
محمد : ههههههه ده انت تعبك الكترونى بقه هههههه .
مصطفى : ايوه صدقنى ! .
محمد : لا ياراجل ده انا بهذر ! .
مصطفى : صدقنى تعبى الكترونى جداً ، من يوم ما وصلت نت وظهر لى الى ظهر لى فى الرسائل فى الاميل والروابط الى بتجيلى عليه !!.
محمد : طيب وضح اكثر ايه الى حصلك .
مصطفى يلتفت الى محمد بعد ان ترك الـ لابتوب .
مصطفى : الصراحه انا هحكيها لك ، وخصوصاً انى اعرف ان لك ابحاث شرعيه ، وخصوصاً فى الرد على المخالفين فى العقيده ومنهم العقلانين بالتحديد وبا الأخص الملحدين والـ لادينين !، بس كسوفى منك هو الى دفعنى انى ادور على الحل والرد لوحدى ، والى الآن تعبان ومش لاقى حل لمشاكلى ، مش عارف اعمل ايه ! ، انا تعبان جداً ، فى يوم من الايام كنت راجع من الدرس فى الثانويه العامه ! ، فدخلت العب شويه على جهازى وخصوصاً انى ارتاح شويه من المزاكره المتعبه فى الثانويه " هم كل بيت مصرى " ، المهم فجأه جالى على الاميل ، رساله بتقول ان الكون ده مادى بحت ، وان الانسان لم يخلق ! ، ولكنه آتى صدفه عشوائيه ، وكمان اننا تطورنا عبر السنين لغاية موصلنا للشكل ده ، وخصوصاً واحد فيهم اسمه دارون هو الى الف النظريه دى وانتشرت بعد كده ، وكلام كثير من هذا القبيل ، لغاية مابحثت ودخلت منتدياتهم من خلال فتحى للرابط ده ، فتعبت وشكيت فى ما اعتقد ، وشعرت انى من ساعتها يمكن فى سن الشباب كنت بحس انه مبرر ليا لامارس بعض شهواتى بدون تقييد ، لكن بعدها ومازلت احس بشعور قوى انى تعبان وانى مش مرتاح ومش عارف ايه الحل !؟.
محمد يرسم على وجهه نظرة حزن خفيفه ، وينظر الى مصطفى .
محمد : طيب يامصطفى ليه بس سكت ده كله !؟ ده الموضوع كان رده سهل جداً !.
مصطفى : ايه ! دول بيقولو ان الاديان بتخاف منهم لانهم مبيعرفوش يردو عليهم ! فبيفضل الشباب الى بيصاب بالشكوك دى مستخبى وسط اهله وعامل فيها مؤمن ، وفى نفس الوقت على الالحاد ودائماً بيحاول يخلى اهله يشكه مثله فى الدين ، او يسكت خالص ويفضل ينافقهم لكنه مبيعتقدش با الاسلام ! .
محمد : مين الى ضحك عليك يا بنى وقالك ان المسلمين بيخافو منهم ! .
مصطفى : هما !
محمد : يابنى دول اخرهم بس انهم يقولو كده ! ، غاية ما فى الموضوع ان بعضهم الى ارتاح فى الالحاد مش لروحه ! لكن لجسمه وشهوته ! وكل ما يطلب منه الجسد شىء بينفذه ، واخرها اما الانتحار ! او الموت فى مستنقع وحانات الخمور ! او لو كان بيفكر ممكن يعيد تفكير ! وبعضهم برضه اخره الانتحار ! ، واكثر روايات الغرب نفسه بتدل على كلامى ! فى روايات كثير الفت فى القرن العشرين بالتحديد عن هتلر والحرب العالمين ، امثال قصة "white noise " وقصة "old man and the sea " وكل دى قصص انا قرآتها من خلال دراستى بتدل تماماً على غربة مفكريهم ومنظرينهم ، وخصوصاً حتى لو كان نصرانى ! ، بتحاول نفسه تحارب الموروثات الكنسيه الى الفها القساوسه وضحكو بيها على ناس كثير ! .
مصطفى : طيب اشرح لى يامحمد كلامك بحس انى لآول مره اسمعه وحاسس انى غلطت لما مسألتكش من زمان ! .
الجرسون : معلش اتأخرت عليكم !.
نظره من محمد ومصطفى الى الجرسون بأبتسامه لتقديمه الشاى لهم ! حتى ذهابه وتركهم ثانياً .
محمد : طيب اشرب الشاى كده واسمعنى .
مصطفى : حاضر .
محمد : بص يامصطفى ، الباطل طرقه كثيره جداً ، بل ان طرقه دول ممكن يتحدو على المسلم لان هدفهم واحد !، فممكن تلاقى منتديات النصارى ومواقعهم بتثنى وتمدح بعض المواقع الالحاديه وتنقل منها ، وتلاقى بعض الناس فى بعض لقائتهم على قلب رجل واحد لحرب الاسلام وخصوصاً فى الغرب ! ، فانت لما ترى بعينك ما حولك تجد ان غايتهم وفكرهم وحربهم موجهه للمسلم عموماً ، من ناحية الاعلام والانترنت والثقافه والحياه ! ، كل شىء ، فى مره من باب الطرفه ، بعض الاخوه فى احد الممنتديات الاسلاميه ، منتدى اسمه " منتدى التوحيد " انصحك تدخله دائماً ، سأل سؤال بطرفه وقال : من خلال نقاشى مع الملحدين والـ لادينين وجدت انهم بيكتبو وبيتعبو وهما فاكرين انهم على الحق ! طيب ما يسبونا بقه ! مش حياتهم قصيره ! وهيموتو ومفيش حياه ثانيه ! طيب ما يسيبونا بقه ! عجيبه ! ، وحسيت من فتره ان اجابة سؤاله خطرت على رآسى من قول الله تعالى :( ود كثير من أهل الكتاب لو يردونكم من بعد إيمانكم كفارا حسدا من عند أنفسهم من بعد ما تبين لهم الحق فاعفوا واصفحوا حتى يأتي الله بأمره إن الله على كل شيء قدير ( 109 ) وأقيموا الصلاة وآتوا الزكاة وما تقدموا لأنفسكم من خير تجدوه عند الله إن الله بما تعملون بصير ( 110 ) ) سورة البقره ، وده شعور عام عند كل ملحد وكل كافر بدين الرسول صلى الله عليه وسلم ، تلاقيه بيحسد المسلم وبيحس ان فيه حاجه افضل منه ! ، وفى الايه دى برضه الجواب ، قال الله تعالى :( يسألونك عن الشهر الحرام قتال فيه قل قتال فيه كبير وصد عن سبيل الله وكفر به والمسجد الحرام وإخراج أهله منه أكبر عند الله والفتنة أكبر من القتل ولا يزالون يقاتلونكم حتى يردوكم عن دينكم إن استطاعوا ومن يرتدد منكم عن دينه فيمت وهو كافر فأولئك حبطت أعمالهم في الدنيا والآخرة وأولئك أصحاب النار هم فيها خالدون ( 217 ) ) سورة البقره . فالرابط الى جاء لك ما هو الا فخ ارادو به حسدك ونزع عنك الايمان بالله ومحاربتك كمسلم ولو سألت ساعتها ما وصلت الى الحد ده ! .
مصطفى ينظر حزيناً الى محمد !!.
محمد : وببساطه ياعم جواب السؤال الى انت سألته سهل جداً ، فكلامهم كله مادى وماده فى ماده ، فبيقولك اننا جئنا الدنيا صدفه ! ، والرد ببساطه فى كوباية الشاى الى معاك دى ! .
مصطفى ينظر مستغرباً الى ما قاله محمد !.
محمد : متستغربش ! ،وخصوصاً لو قلت لك ان كوباية الشاى دى جائت لأيدك صدفه ! .
مصطفى: لا ليا حق استغرب ، ازاى !؟ ده الراجل لسه جايبها دلوقت ! ، انت ياعم هتشككنى فى نفسى هههه .
محمد : بالظبط ! هما شككوك فى نفسك بطريقه او بأخرى ! ، انكار وجود خالق للكون يعتبر زى تشكيكك فى وجود الشمس ! ولله المثل الاعلى ، اذا لو كان الشاى الى فى ايدك ده ! حد قالك ده جاء ليك صدفه وخصوصاً ان الدنيا النهارده فيها رياح كثيره وهواء الى حدا ما ! ، ويقولك الظروف دى وخصوصاً مثل الرياح والتراب والانفجارات ! كل ده بيكون شىء منظم ليك " صدفه " ! .
مصطفى :!!!!!!!!!!!!!!.
محمد: لا وكمان الكوبايه هتروح من ايدك للغرفه الى هى بينظفو فيها الكوبايات بالداخل ، وتتنظف لوحدها ! وبعدين توضع فى اعلى الطاوله بالداخل لحين طلبها ! ، كل ده ولوحدها ! بدون اى حد يسببها ! .
مصطفى يبدو على وجهه الحزن والاندهاش الشديد لكلام محمد .
محمد : لا وكمان والى هيخليك تضحك اكثر ان الطرابيزه هتتوضب لوحدها بما انها فى الهواء العليل ده ! لوحدها ! مين عارف !!!!، كل ده هو فكر الملحد ! الى منهم الكثير وحالاته كثير ! ، منها الى خايف من الحرام والحلال وعايز بالبلدى يتدلع فى الدنيا ! ، ومنهم الى عايز يبحث عن الحق بس تاه وهو بيدور وعنده قابليه لقبول الحق وده صدقنى بيرجع وغالبهم بيرجعو طالما عايزين الحق !، بل ومنهم الملحدين عن اقتناع برضه لسبب معين اما اعتقادهم ان ده الحق ! وطبعاً ده ضلال ! ، او مغالبه وخلاص لسبب برضه مش واضح ممكن يكون عاطفى ! ، فكلامهم عن الصدفه !غريب والى بيصدقه اغرب !، لانه حسب ما شرحت لك دلوقت : ان كل شىء ليه سبب ، وكمان غايه محدده ! مش فوضى هيا! ، كل حاجه فى الدنيا بتحصل فيها حكمه من الله سبحانه وتعالى ، وقد تعرفها وقد لاتعرفها ! ، وكثير من الملحدين وغيرهم بيتكبرو على قبول مثل هذه من الحقائق ! بيعتبرو نفسهم انهم من حقهم ولعياذ بالله يناقشو الخالق سبحانه وتعالى ! ، وبيعتبرو انهم بعقولهم القاصره دى ! يقدرو يفسرو كل شىء من خلال امام التجارب او التفكير العقلى ! ، والطائفه الاولى الى بتعتمد على التجربه منهم وقعت فى تناقضات شديده ! ، فلو كانت بتعتمد فى التصديق على كل شىء محسوس ! ، يبقى تناقضو مع انفسهم فى اثبات وجود الروح والاحاسيس المعنويه ! .
الجرسون معدى ومعه الشاى فيشير الى احد الجرسونات فتقع يده على رآس مصطفى مما جعله يعتذر .
الجرسون : اسف استاذى مقصدتش ! .
محمد : لا لا ولايهمك ده انت ساعدتنى كثير ! .
مصطفى : ساعدك انه يخبطنى! .
محمد : ايوه طبعاً انت حاسس بالالم ؟
مصطفى : ايوه طبعاً .
محمد : طيب ماسكه او شايفه !؟
مصطفى : لا طبعاً بس حاسس بيه ! .
محمد : على فكر الجماعه الى بكلمك عنهم يبقى الالم الى انت حاسس بيه مش موجود لانهم لايستطيعون قياسه بالحس المادى البحت ! .
مصطفى : ياسلام !!!!.
محمد :اهو ده نهاية منطقهم ! .
مصطفى : ده انا كنت غريب بشكل انى بصدق ناس زى دى ! ، طيب كمل ! .
محمد : لاياعم اتأخرت على الشغل ! المدير بتاعنا عصبى وانا مش عايز اضايقه منى ! ، بكره إن شاء الله فى نفس الميعاد نتقابل ونتكلم عن التطور ! ، وخصوصاً انا هساعدك كل مره علشان ضيق وقتى وادلك على رابط معين تدخله على النت فى منتدى التوحيد تقرآه ، وخذ الرابط ده اقرآ فيه لحد ما نتقابل بكره ، ادخل المنتدى الى قولت لك عليه ، منتدى التوحيد ، افتح ايوه ايوه !! ، انزل تحت شويه فى الصفحه !!، هتلاقى اسم احد الاخوه ، اسمه ابو حب الله ، دور فى التوقيع الى كاتبه ، خد الموضوع ده واقرآه
هدم اُ سس الالحاد (http://www.eltwhed.com/vb/showthread.php?t=31706) .

[في سبيل الله]

انكار وجود الخالق اشد من انكار وجود الشمس
طرح جميل بارك الله فيك ووفقك.

[بحب دينى]

انكار وجود الخالق اشد من انكار وجود الشمس
طرح جميل بارك الله فيك ووفقك.
انا كان قصدى ان انكار الخالق سبحانه وتعالى كمن يقول ان الشمس طافيه او غير موجوده وهى امام الناس ! والله المثل الاعلى ، هذا القصدى ، وفيكم بارك الله ونفع بكم .

[بحب دينى]

انا كان قصدى ان انكار الخالق سبحانه وتعالى كمن يقول ان الشمس طافيه او غير موجوده وهى امام الناس ! والله المثل الاعلى ، هذا القصدى ، وفيكم بارك الله ونفع بكم .
ان كان قصدى ان :
ان الناس يستهزأون بمن يقول ان الشمس غير موجوده !
ولله المثل الاعلى فكيف برب العزه والجلال والذى كل ما فى الكون يدل عليه سبحانه

[إلى حب الله]

بارك الله فيك أخي الحبيب بحب ديني ...
ووالله العظيم منذ بداية القصة وأنا ناوي أكتب هذا التعليق للثناء عليك وعلى الفكرة :
ففوجئت بذكرك للعبد لله في آخرها فانحرجت :):
ولكن الحق يحق ...
ما شاء الله .. موهبة في الصياغة والسياق والطرح ...
وفقك الله لما يحب ويرضى ..

[بحب دينى]

بارك الله فيك أخي الحبيب بحب ديني ...
ووالله العظيم منذ بداية القصة وأنا ناوي أكتب هذا التعليق للثناء عليك وعلى الفكرة :
ففوجئت بذكرك للعبد لله في آخرها فانحرجت :):
ولكن الحق يحق ...
ما شاء الله .. موهبة في الصياغة والسياق والطرح ...
وفقك الله لما يحب ويرضى ..

يا اخى الحبيب ربنا يبارك فيك ، وانى احبك فى الله واسأل الله ان يطيل عمرك وان يبارك فيك وان يبارك فى اخواننا فى المنتدى الحبيب واسأل الله ان ينفع بكم جمبعاً وان يعلمنى منكم وان يرزقنا واياكم مرافقة النبى صلى الله عليه وسلم فى الفردوس الاعلى .... اللهم آمين .

[بحب دينى]

(2)
فى جو العمل مكتب ادارى يجلس محمد فى عمله يراجع دفاتر الحساب الشهرى الذى كلفه به مديره ، ويُفتح الباب ويدخل مصطفى عليه .
مصطفى : ازيك يا ابو حميد واحشنى من امبارح ههههه .
محمد : ربنا يهديك ويوفقك يامصطفى ، عامل ايه !؟ .
مصطفى : نفسى اتكلم معاك تانى زى امبارح ، كان الحوار ممتع بصراحه .
محمد : طيب فى ايدى بالظبط دفتر وقربت اخلصه ، قدامى نصف ساعه بالظبط ، استنانى فى المطعم وانا جاى وراك .
مصطفى :!!! ايه ياعم ميعاد الشغل عدى من بدرى الساعه اثنين وانت ميعادك فى الشغل خلص من ساعه !؟، متسيبك من الدفتر ده ونكمله بكره !.
محمد : لا يا مصطفى ، انا ابقى خاين لو مخلصتش شغلى كله ، دى مصالح ناس لازم تخلص ! ، انا قبل ما بشوف المدير وبخاف منه انه يراقبنى !، بشوف رب العالمين ، لانى عارف كويس انى ابقى خائن لو مشتغلتش كويس واتقنت شغلى .
مصطفى يبدو على وجهه الخجل .
محمد : اسبقنى انا جاى وراك وبرضه تكون قرآت بسرعه الموضوع الى اعطيتهولك امبارح لان فى مفجأه النهارده برضه هديك كام رابط بعد ما نخلص كلامنا .
مصطفى : وهو كذلك .
مصطفى يذهب الى المطعم ويجد الطاوله التى جلس عليها هو ومحمد مشغوله فينظر فلا يجد الا طاوله تتطل على عشوائيات لبعض صائدى السمك الذين يعيشون فى غرف صغيره على شاطىء النيل ، فيذهب فيجلس عليها ويفتح الــ لابتوب .
محمد : مصطفى مصطفى انت فين !؟
مصطفى : تعالى تعالى انا هنا مستخبى شويه هههه ملقتش الا المكان ده !.
محمد : ولا يهمك ، تشرب ايه !؟
مصطفى : لا ياراجل امبارح كان الحساب عليك ، انما النهارده عليا انا بقه عيب !.
محمد : متقلقش يا عم هتعزمنى بعد كده بس المره دى كمان عليا ههه ، ها تشرب ايه !؟
مصطفى : كا العاده ههههه !.
محمد : ههههه ، طيب اثنين شاى لو سمحت !.
الجرسون : حاضر يافندم .
محمد : ها وقفنا لحد فين امبارح !؟
مصطفى : نظرية التطور .
صوت الابتوب وبالتحديد رسالة ياهو جديده الى مصطفى من احد اصدقائه ، ولكنه يتجاهلها متشوقاً لسماع محمد .
وفجأه صوت نباح كلب يشمشم وينبش الارض برجليه .
محمد : ياه ياه ! دائماً بحس ان كل حاجه حوالينا فيها الجواب ! .
مصطفى : ازاى !!.
محمد : تصور ان الكلب ده وانا وانت ، مين فينا الى ارقى من الثانى فى السلاله !!؟ .
مصطفى : يا راجل ده سؤال يتسأل ! ، طبعاً الانسان هو الاول فى الكائنات الحيه !!.
محمد : يعنى مش الكلب الى نبح دلوقت وشمشم بانفه ونبش الارض !؟
مصطفى : لا طبعاً والا ابقى مجنون انى اقول الكلب احسن من الانسان ! ده انا ابقى كده بزمتك !!؟.
محمد : امال نظرية التطور بتعمل ايه غير كده !!؟
مصطفى : ازاى !!!!!!؟ .
محمد : نظرية التطور قائمه ببساطه وبالبلدى " على العضلات " الكبير والاقوى هو الافضل ! ، كأنك فى حلبة مصارعه ! ، بأختصار برضه ان الافضل من يجمع افضل الصفات فيه والبقاء بيبقى ليه ! ، وان اصل الانسان والقرد واحد كان انسان شكله غريب اسمه مونتاريال او ما شابه ! كان فى بحيره ! وحكايات الف ليله وليله وليله ! ، هل انت تصدق ان اصلك قرد !!، عموماً الكلب الى نبح هناك ده ساعدنى احلى مساعده ، بسبب انه حاسة الشم عنده اقوى من الانسان ودى لاتخالفنى فيها ، فا الكلب يمتلك هذه الحاسه وبقوه ، فمعنى ذلك ان نظريتهم بتتنسف ، زى ما تقول كده ان كل مخلوق فيه وظائف معينه مش زى ما بيقولو البقاء للأقوى ! وكذلك لو قيست الفيل ! هتلاقيه برضه اكبر واضخم من الانسان ! يبقى على نظريتهم دى الفيل افضل من الانسان !!!، وكذلك الجمل ! ، بل ان الاضعف موجود برضه فى زماننا ده مثل الديدان والحشرات وغيرها ! والارانب وكل المخلوقات الصغيره بل انها بتتكاثر اكثر من الانسان فهل هى افضل من الانسان ! ، وده بيدلك ان كل مخلوق خلق لحكمه معينه ووضعت ليه وظيفه بحكمه برضه ، وهدف ومميزات قد لاتوجد فى الانسان ومع ذلك يعيشون جميعاً مع الانسان ولا اقوى ولا يحزنون ! كل شىء مخلوق لخدمة الانسان نفسه ومن اجل سعادته ، بس لو استخدمها حسب ما شرع الله له ، اما دارون فظل يقول الاقوى والافضل والبقاء ومش عارف ايه ! لحد ما خلى اوربا الافضل ! امال هيا بتموت فى المسلمين ليه او بالاخص الى غير اوربيين ليه ! علشان هما بيض فى البشره يبقى هما الافضل !!! ، وهكذا دارون اسس لهم مبدأ حلو ومقنع علشان يخلصو علينا ، فرد فرد معايا ياولد العم بيرسمو لينا خطط ياولدى ههههههههههه ، واحنا بنشرب ياعزيزى بالتقليد الاعمى ! وتقولى نظريه ! .
الجرسون : الشاى يافندم ، منورين مطعمنا وخصوصاً الاستاذ " ينظر الى مصطفى " لسه جديد علينا ، انما انت قديم يا استاذ محمد هههه .
محمد : اه ياعم قديم ، انا لاجىء عندكم هنا هههههه .
الجرسون : تنور يافندم هههه .
محمد : الله يخليك .
مصطفى يبدو على وجهه الحزن والالم لما سمعه من محمد .
مصطفى : ياه انا كنت مغفل بشكل ! .
محمد : مش قولت لك دول بس كلام على الفاضى ! . مسيرى لما اكمل لك اكثر هيوضح الموضوع اكثر واكثر !.
مصطفى ومحمد يشربان الشاى ، وصوت الرساله يتكرر ، فينظر مصطفى ، فيكلمه محمد قائلاً: ياله اسيبك انا بقه علشان اتأخرت على ولادى هروح اجيبهم من المدرسه واروح اتغدى ، بينى وبينك انا عايش حياه سعيده جداً ، حاسس انى لى رساله فى الدنيا دى بأديها من جيل لجيل وخصوصاً بحاول اوصلها لاولادى ، عقبالك كده اما تتزوج يا مصطفى ويبقى عندك اولاد إن شاء الله ، استنى عليا قبل ما سيبك برضه اديك رابط فى المنتدى الى قولت لك عليه امبارح
شوف بعض المواضيع عن نظرية التطور من هنا "سؤال ينسف نظرية التطور " (http://www.eltwhed.com/vb/showthread.php?p=10236#post10236)
"سؤال للشيخ بن عثيمين عن نظرية التطور" (http://www.eltwhed.com/vb/showthread.php?t=2499)
" من اعترافات دراون للأخ عبد الله الشهرى " (http://www.eltwhed.com/vb/showthread.php?t=33644)
وهذا موضوع الاخ ابو حب الله " ما يجب ان تعرف عن نظرية التطور " (http://www.eltwhed.com/vb/showthread.php?t=33160)
محمد : شوف بقه ياعمنا ، تقرآ ده كله ونتقابل بكره إن شاء الله ونشوف وصلت لحد فين يامصطفى . سلام بسرعه العيال بكده زمانها بتنفخ قدام المدرسه هههه سلام .

[البراء بن مالك 11]

مـا شاء الله أخى الكريم ...

بارك الله فى عملك ..لماذا الحوار بالمصرى ؟

[بحب دينى]

مـا شاء الله أخى الكريم ...

بارك الله فى عملك ..لماذا الحوار بالمصرى ؟

لهدف معين اخى ان معظم الملاحده والـ لادينين من مصر فالغالبيه منهم من مصر ، واردت ان لايكون الكلام متكلفاً قدر الاستطاعه وبسيط كأن صاحب يكلم صاحبه بالمعنى الدقيق ويصل الى قلب من اخاطبه ، وانا اسمى محمد على فكره ، واعتبر نفسى محمد فى القصه نفسها ، فعندما اكلم مصطفى ارد عليه من داخل نفسى ، احاول ان اخذه فى حضنى لكى يفيق وكأنى صاحبه فعلاً .
وربنا ينفع بيك اخى الحبيب

[بحب دينى]

3محمد يجلس على طاولة المطعم يتناول الغذاء ، يبدو عليه ملامح الحزن الشديد ، ومجىء مصطفى ليجلس معه .
مصطفى : ازيك يا ابو حميد مالك !؟ انا المره دى ملقتكش فى الشغل زى امبارح !؟
محمد :اه ! انا خلصت بدرى شغلى النهارده ومفيش حاجه اعملها ، انا بس اتخنقت شويه وتعبان من امبارح ، قابلتنى ظروف صعبه مخليانى تعبان شويه وقولت بينى وبين نفسى انزل اتغدى هنا وفى نفس الوقت اقعد مع نفسى شويه ، بس كويس انك جيت اهو ندردش!.
مصطفى يبدو عليه علامات السرور لا الحزن !.
مصطفى : غريبه ! انت مش قولت لى امبارح انك سعيد فى حياتك وان ليك رساله !؟ ، ايه الى حصل !، هو مش المفروض المسلم يكون سعيد فى حياته مثل ما كنت بتقول امبارح !؟.
محمد : ايوه طبعاً ، انا صادق فى كل كلمه كنت بقولها ومازلت بقولها !، انا اقصد ان المسلم سعيد روحانياً فى حياته مهما تعب الجسم المادى نفسه او شعر بأى شىء يضايقه ! ، يمكن انا على عجالتى امبارح مفهمتكش ، ولازم برضه تعرف ايه مشاكلى وهل الاسلام حلها لى ولا لا!؟ ووضع لى ضوابط لذلك ولا لا!!؟، علشان بس اعرفك عظمة الاسلام .
مصطفى : اتفضل ، بس نشرب حاجه الآول !، ها شاى برضه!!! هههههه .
محمد : لا ياعم المره دى حاجه ساقعه هههههههه.
مصطفى : 2 حاجه ساقعه لو سمحت .
الجرسون : يافندم !.
مصطفى : اتفضل قول يامحمد .
محمد : اولاً يامصطفى لازم تعرف كويس اوى ! ان المسلم بيتصاب بمشاكل وبابتلائات مثله مثل اى انسان عادى ! الفرق الوحيد الروح ، وفى نفس الوقت نتيجة الابتلاء سواء بالسلب او بالايجاب بتعود على الروح والجسد معاً ، بمعنى ومثلاً انا مشاكلى خاصه بزوجتى واولادى ، انا مرتبى يدوبك بيكفينا ، وولادى عايزين مصاريف الدروس والمدرسه ، وزوجتى وانا بنحاول نحرم نفسنا علشانهم ، لكن امبارح حصل ان احد اولادى كان عايز لبس جديد واحنا فى اخر الشهر ، ومبقتش عارف اتصرف !، كلمت زوجتى وهى كمان ابدت انزعاجها بس انا اتنرفزت شويه وسيبتهم وقولت اما ارجع اصالحهم ، ده كله قد يكون انا ممعيش فلوس بس مكانش بأسلوبى ده وخصوصاً النرفزه تكون الحل للعلاج ! ، اطلاقاً لان الغضب مش من صفات المسلم الى المفروض يتحلى بيها ، بس انا كا انسان لازم اغلط لانى مش معصوم فالحل لاننا بشر اننا نتوب ، بسهوله جداً ، اتوب الى الله من اى ذنب اعمله وفى نفس الوقت بعدها اصالح اهل بيتى لانهم ملزومين منى ،قد يستغرب الملحد ويفتكرنى احمق ويتعالى عليا ! ، لكن سيبنى اوضح لك الموضوع اكثر واكثر ، واجاوب سؤال بيلف فى عقلك دلوقت ، طيب وليه من الاساس انت كمسلم ميبقاش معاك فلوس وغنى ؟ ، واجاوبك بمنتهى السهوله ، لان انت مش جاى الدنيا دى تلعب ولا جاى تختار لنفسك الى على مزاجك فى شكلك وفلوسك وحياتك !، لان انت كاانسان بشر متقدرش تسير كون كامل وتختار منه ما يناسبك ، بالعكس اى انسان فى حياته هيختار نفسه كرجل وسيم وشكله كويس ! واغنى اغنياء العالم ! ، يجى راجل تانى يقول لا ! انا عايز نفسى اغنى من الاول ! واوسم من الاول ! ، فالانسان نفسه مبيشبعش ! نفسه فى كل حاجه ! ، والقناعه لا تأتى الا اذا زاق الانسان الفقر ، بعدها بيبقى قنوع بكل ما يملك سواء كثير او قليل !، وحتى لو كان غنى بس قبلها كان فقير بيبقى قنوع اكثر واكثر واكثر ، فده ميزة الفقر ، وده ميزة انك مبتختارش لنفسك كل حاجه فى حياتك !، لازم يكون فى جزء فى حياتك انت غير مخير فيه لانك لاتحسن ان تختار لنفسك فيه ما يناسبك !، فانا دلوقت موظف والحمد لله مستوره على الاقل لا اكل من فتات الطعام فى الزباله ! او على الاقل ولادى وبيتى مستور والحمد لله ، وده ميزة وجود طبقه افقر منك ، وكذلك طبقه افقر من الطبقة دى ! وهكذا ، جاء الاسلام ليقوم بعمل موازنه مع كل هولاء بحيث ان الغنى يفضل شاكر لنعمة ربنا عليه فيعطى جزء من ماله للفقير ، والفقير يأخذ الجزء ده يعيش حياه كريمه بيه حتى يقدر على الحياه ، بل ان الاسلام لو قرآت بعض الاحاديث عن المصطفى صلى الله عليه وسلم تجد انه كان يعطى بعض الشباب الفقير اماكن للعمل وطرق للعمل حتى لايمدو ايديدهم ، فديننا دين عمل ، وفى نفس الوقت بعد ان يغتنى الشاب يعطى غيره الفقير المسن ، فديننا دين توازن لا حقد وغيره ، عرفت بقه ليه الانسان مبيختارش لنفسه !؟
مصطفى : اه ، بصراحه انا حاسس انى فهمت شويه بس برضه فى سؤال ، انا ايه مهمتى دلوقت لو انا فقير ولو انا غنى ؟
محمد بص يا سيدى .....
الجرسون : الحاجه الساقعه يافندم ...
محمد : ايه هو الجرسون الثانى فين !؟
الجرسون : امبارح وهو ماشى خبطته عربيه ...
مصطفى : امته ؟
الجرسون : بعد الشغل مباشرةً .
محمد ومصطفى ينظران الى بعضهما بعد مضى الجرسون الى مكان عمله ثانياً .
محمد : على فكره عارف السؤال الى هيتبادر الى ذهنك دلوقت ! بس اصبر اجاوب الاول اولاً .
مصطفى : اتفضل .
محمد : اولاً مهمة الغنى : انه يشكر ربنا سبحانه وتعالى انه رزقه واعطاه من بعد فقر او غنى عن وراثه وفى كلا الحالتين ربنا من عليه واعطاه ، وايضاً يطيع ربنا فى ما امر ان يعطى الناس الزكاه حتى يتم التوازن الى قولت لك عليه فوق !، اما الفقير فأيضاً بيشكر ربنا سبحانه وتعالى لانه مجعلوش اقل كمان فى فقر ومرض " الطبقه الاقل من الفقر " وكذلك المريض بيشكر ربنا انه مرضه مش زى مرض الانسان الثانى الى هو ازيد من مرضه ، فده فى حد ذاته حكمه من الله سبحانه وتعالى حتى يتذكر البشر انعمه عليهم فلا يتكلو ويتغافلو عن العباده التى غرضها التقوى والعيش فى اسعد حياه منظمه ومحترمه .
مصطفى : طيب والسؤال الثانى والمهم ليا جداً ؟
محمد : بص ياعم السؤال الثانى بيتجاوب فى كلمه وتوضيح ! ، الكلمه هى " الابتلاء " وده بينرفز الملحد جداً وبيتكبر على الكلمه دى ! وبيحاول يهرب من معناها ! ، اولاً الابتلاء ده برضه لحكمه ، لاننا لازم نتفق ان ربنا سبحانه وتعالى كما خلق الكون بحكمه لا صدفه ولا عشوائيه كما يقول المجانين !! ، فمستحيل ان الحوادث وكل ما يدور حولنا يكون عشوائى برضه ! ، اولاً الابتلاء نعمه من الله ، بمعنى ان الجرسون الى العربيه خبطته ده ! ، قد يكون سهى عن العباده فيتذكر ان له رب يناديه ان يشفيه ، طيب قد يكون على عباده وخير لكنه اتخبط بالعربيه كده لان ربنا جل وعلا بيحبه ويريد ان يغفر له ما مضى كله حتى يدخل الجنه ، او قد يكون الجرسون ده مذنب وعليه ذنوب وما زال فيها فيكون الحادث ده تكفير لذنوب كثير ليه وفى نفس الوقت تذكره ليه بالموت وانه قدامه فرصه ، فممكن تتغير حياته كلها علشان الحادث ده ويرجع لربنا سبحانه وتعالى ، وطبعاً الملحد مبيعجبوش الكلام ده ! ولا بيدخله فى دماغه ويعقله هو محتاج يتزوقه فى قلبه ويحس بطعمه !، فى مره كانت ملحده بقولها الصبر بيجعل النفوس راضيه سعيده ، قالت: لى لا انا بحب اقابل الامور بجديه واقبل الامر الواقع ! ، رغم ان قبولها الامر بجديه ومواجهه لن يتم حتى لو " رزعت دماغها فى الحيط " الا بالصبر ، ففى كلا الامرين لو مصبرتش فهى برضه الخسرانه ولو صبرت وشكرت كمسلمه جزائها كبير دنيا واخره ، ففى الدنيا هتشعر بالسعاده وفى الاخره هتأخذ اجر كبير جداً ، بل ان الملاحده بيتريقو على الثواب والعقاب دائماً حتى يهربو الى شهواتهم الدفينه التى اباحها الاسلام بضوابط ! ، لكنهم عايزينها بطريقتهم المنفلته اشباعاً لهم وانت عارف ان اساساً زى مقولت لك فى الاول ان كل شىء محلل ومحرم بحكمه ! مفيش شىء اتحرم الا لانه هيؤدى الى كوارث لا يعلمها الانسان الا مؤخراً !، فالعاقل حتى لو معرفش الحكمه ولكنه عارف قبل كده ان كل شىء فيه حكمه انه يسمع الكلام !، فمثلاً عندك الزنا لو ابيح كما فى اوربا ! اتفرج على البلاوى السوده هناك ! امراض وايدز وسرطانات وانتحار ، ربنا يعافينا ويعافيك .. اللهم آمين ، وتريقتهم على الثواب والعقاب مثل الى بيتريق على الى بيعطى لواحد مكافأه نتيجة شغله ! والى بيعاقب واحد نتيجة تركه للشغل الى مكلف بيه ! ، ولله المثل الاعلى ، ربنا سبحانه وتعالى بيجازى الى بيصبر احسن جزاء وسمع واطاع حتى لو معرفش الحكمه لكنها موجوده ، وبيعاقب الى عصى وتكبر لانه عصى وتكبر وهو اساسه نقطة منى من ابيه ! وبيوضة امه ! ، كل ده وتلاقيه بيناطح نفسه ويتكبر ! نفس موقف سيد القمنى مع احد الشيوخ على التلفزيون لما بيقوله انا عالم كبير يا استاذ !!! وكأنه جاب الديب من ديله !! هو ده الانسان كلما ينعم عليه الله جل وعلا اما يشكر واما يكفر ويتغر بنعمة ربنا جل وعلا ! لكن لما يأخذ منه كل النعمه تشوفه يصوت وينوح ! ويقول الحقونى ! وكذلك بعض الناس مبيفوقش الا لما المصيبه تصيبه هو ويقع فيها وميتعظش بغيره ! ويتكبر بل انه ممكن لو سمعنى او شاف كلامى ده يتكبر اوى !ومش عارف على ايه ! ، لكن عموماً يامصطفى لازم تعرف ان كل شىء فى الكون بحكمه وتنظيم من اكبر شىء الى اصغر شىء كله اتخلق لهدف ولحكمه ، سواء علم الانسان بعضها او لم يعلم الباقى ! لكنه فى الاخر لازم يطيع امر الله جل وعلا الذى ليس كمثله شىء وهو السميع البصير ، هو الخالق الغنى ونحن الضعفاء الفقراء اليه ولا يمارى فى ذلك الا جاحد مغتر بنفسه ! اتكبر على كل الشيوخ والعلماء وقال انا بس ! عموماً ربنا يهديهم ومنملكش الا اننا نقول كده .
مصطفى : شكراً ليك يامحمد وضحت لى اشياء كثير انا مكونتش متصورها ، طيب فاضل سؤال ، هل انت سعيد دلوقت روحياً ؟
محمد : طبعاً انا بقول الحمد لله على نعمه عليا ، فإن اخذ بعضها ابتلاءً ليا ، فالحمد لله وده واجب عليا الصبر والحمد لله على ان لسه فى نعم كمان معايا مثل اولادى وزوجتى الى غيرى مش لاقى يتزوج وفى نفس الوقت فى بيتى الى انا ساكن فيه ومستور وفى اهلى الى بيحبونى ، فالحمد لله الذى لاتعد نعمه ولا تحصى .
محمد : اسف انا مضطر امشى دلوقت ومفيش روابط النهارده، بس فكر فى الكلام كويس جداً وفى نفس الوقت هقوم اصالح اولادى وزوجتى انا حسيت بشوق وحنان ناحيتهم .سلاممممممم
مصطفى : سلام ...." مصطفى يقول فى سره " " سلام يابختك......"

[بحب دينى]

4
محمد يدخل على مصطفى مكتبه قائلاً : كيفك يامصطفى عامل ايه !؟ انا فضيت شويه قولت اعدى عليك " ازورك " واشوفك عامل ايه ؟
مصطفى : بخير يامحمد ، انت عامل ايه ؟
محمد : الحمد لله بأحسن حال ، ها مش عايز تسألنى النهارده عن حاجه !؟ لانى مش فاضى خالص النهارده بعد ساعه فقولت اعدى عليك النهارده اشوفك واطمئن عليك .
مصطفى يغلق الباب ويقول له : طبعاً عندى اسئله كثير جداً ومنها: ربنا جل وعلا خلقنا وخلق الكون كله بس ايه الحكمه من ذلك ؟.
محمد : الجواب من اجل ان تعبده .
مصطفى : طيب وهو ربنا يحتاج للناس تعبده ؟، بمعنى اصح محتاج لعبادتهم ليه ؟.
محمد : الله غنى عن العالمين واسمح لى اوضح لك الجواب بالتفصيل فى النقطه دى ، اولاً يامصطفى انت بعبادتك لربنا مش بتغنى ربنا سبحانه فهو غنى عن العالمين ، لكن بعبادتك دى بترزق فى قلبك تقوى منه ، فبتكون دائماً عايش فى الدنيا خائف من عقابه وبترجو ثوابه بترجو رحمته جل وعلا ، فيتحقق لك فى الدنيا السعاده الروحانيه طالما انك مخلص لله جل وعلا ، وهذه السعاده بتظهر على الجسد فيبدأ يعيش الانسان سعيد فى الدنيا مثاب فى الاخره فيتنظم حياته كلها ويستقيم فى الدنيا ويثاب على استقامته فى الاخره ، تمام كده فهمتنى ؟ .
مصطفى :فهمتك بس فى برضه سؤال مهم جداً ، طيب ليه ربنا خلقنا من الاساس وخلق الكون كله ؟ .
محمد: ببساطه الملائكه سألو سؤال مشابه لسؤالك لما ربنا جل وعلا خلق سيدنا ادم عليه السلام وقال الله تعالى فى كتابه الكريم :( وإذ قال ربك للملائكة إني جاعل في الأرض خليفة قالوا أتجعل فيها من يفسد فيها ويسفك الدماء ونحن نسبح بحمدك ونقدس لك قال إني أعلم ما لا تعلمون ) سورة البقره . شوف يامصطفى الجواب كان ايه رغم انهم بيعبدو ربنا خلقو للعباده فقط ومنهم من بستغفر للمؤمنين ومنهم من مكلف بحفظ اعمالنا وكتابتها ومنهم من هو مكلف بأخذ الارواح فشوف ربنا سبحانه وتعالى قال :(إني أعلم ما لا تعلمون ) سورة البقره ، وهذا كان رد الله سبحانه وتعالى على الملائكه لما خلق البشر رغم انهم يعبدونه حق عبادته لكن ربنا سبحانه وتعالى له حكمه فى كل شىء قد تعلم منها البعض والا تعلم الاخر لضعفك انت ولعدم قدرتك على معرفتها واستيعابها ، فالمؤمن الحق بيعرف ان الله جل وعلا له حكمه فى كل شىء فلو عرفها فهذا علم جميل نافع يجعل العقل يتدبر اكثر واكثر ولو جهلها بيؤمن بإن فى حكمه لكن بحكمة ربنا ايضاً وعلمه اخفيت عن الانسان وسؤالك ده من هذا القبيل ، فانت مثلاً سؤالك بيشبه سؤال واحد ليه السماء فوقنا مش تحتنا ! وليه الارض مش فوق ! وليه فيه فضاء فوق ومفيش فضاء فى باطن الارض فيه نجوم برضه وكواكب ! فهذه اسأله من هذا القبيل لاتعرف الحكمه فيها الا انك بتسلم تماما ً من خلال الحكم الى ظهرت ليك ان الى الحكيم بهذه الحكمه الكامله سبحانه يوجد له حكمه فى ما لم يبدو لك ولكنك بتؤمن بيها حتى لو معرفتهاش ، فانت عرفت الغايه من الخلق العباده والغايه من العباده التقوى فهذه حكم برضه كشفت ليك وليا وللمتدبرين فى ايات الله جل وعلا فلو معرفتش حكمه اكبر فده لاسباب وضحتها لك فى كلامنا ، وتعرف يامصطفى ان اغلب الملحدين والـ لادينين بيتصورو ان ربنا جل وعلا انسان وبيقسوه بالبشر ! بيعترضو على احكامه ! وبيعتقدو ان ليهم الحق يناقشو قضائه فى عباده ونسيو بشريتهم المهينه الضعيفه ومجيئهم من منى وبويضه ! ونسيو برضه مرضهم وشكلهم وهما مرضى ! ، فربنا سبحانه وتعالى ليس كمثله شىء وهو السميع البصير ، لايسأل عما يفعل لكمال حكمه فهو ليس كالبشر حكمه نابع عن حكمته وعلمه وكلما تقدم الزمان والبحث تجد ذلك فى كتب العلماء المنصفين مش الى بيرضو غرائزهم وبيكرهو الحق ! ابداً تجد المنصف حتى لو كافر بالاسلام بينصف فى حكمه ويقول الحق ، فعلى سبيل المثال ! الانسان بعقليته القاصره لما تيجى تعدم امامه قاتل ابيه وتموته يقولك حكمك بشع فى الناس ويطالب بأنه مثلاً يسجن طوال حياته ولا يقتل او يطالب انه مش فعل انسانى حتى لو الانسان ده ظالم !! ورغم ان القاتل ده لو قتل اعز من يحب فهتلاقيه يقول اشنقوى علقوه اربطوه !!!!! فهو ده الانسان ان حكم الكون بعشوائيته يدمر نفسه ويدمر من حوله ! فلازم من خلق الكون ويعرف كيفية الخلق هو من ينظم للخلق شئونهم وينظم لهم دنياهم وحياتهم على قوانين ثابته لازم يتبعها البشر ولا يلفو ولا يدورو ويتحايلو عليها والا هيظهر خلل ! تمام يامصطفى !؟
مصطفى : تمام ، انا بعد ما ناقشتنى حسيت انى اقتنعت اقتناع شديد بوجود الله ، لكن محتاج اسمع اكثر عن الرسل ، انت طبعاً تعرف يامحمد الـ لادينيه وانهم مبيعتقدوش بالرسل ، فنفسى اعرف ايه ردك على معتقدهم وايه الصح وايه الغلط فى كلامهم !.
محمد : سؤالك بيأكد لى تطور حالك تدريجياً بالتفكير الحقيقى للوصول للحق ، اوعى تفتكرنى تطورى من فصيلة القرود ههههههه .
مصطفى : ههههههههه ، فى سره قائلاً " كنت قرد وانا مش دارى " كمل يامحمد !.
محمد قائلاً : سمعت كلمة دارى فى نهاية كلامك وانت سألت عن الـ لادينيه وهبدأ اتكلم عنهم بأختصار يامصطفى ، بص ياعم الموضوع ببساطه هو ان الناس دى حبت تلعب فى خط النصف ولاتخسر الاخره ولا تخسر الشهوات ! ، ناس منطقها عجيب بمعنى انهم يمكرون ولكن سبحان من لايخفى عليه كل شىء ، ففى الاسلام من لم يؤمن بالرسل جميعاً وانهم دينهم واحد وهو الاسلام فقد كفر بهم جميعاً ولو حتى آمن بكل الانبياء وكفر بواحد فهو كافر بالكل ، اولاً يامصطفى الله جل وعلا حكيم وحكمته انت لما كنت بتفكر بالتفكير الالحادى وتركته لانك بتسأل عن الـ لادينيه ، فالملحد لانه لايؤمن بالله فهو لايرى حكمته فى خلقه ! ويرى ان كل شىء صدفه ! مع ان لو واحد كله قلم على قفاه وقاله صدفه هيشد فى شعره ههههههههه ، المهم انت الان بترى حكمة ربنا لانك بدأت تفكر فانت الان بترى الكون امامك فيه من الاثار والادله ما تبهر العيون ، فينكرها الملحد بغبائه ! ويقول فين انتو بتضحكو عليا!! ولو نظر الى ابسط شىء امامه من الذباب لرآى ما يبهر العقول فى خلق الذباب وكذلك اعلى قليلاً فى الطيور والدواب الى ان تصل الى الانسان نفسه بجسمه الذى خلق بتركيب بديع وانسجام بين كل الاعضاء لاتمام وظائف محدده مرتبه يبهر بها كل باحث طبيعى او عالم له باع فى العلم ، فلو جلست احصى لك نعم الله لن انهيها ولن احصيها ، فمن خلال ما ترى من ابداع خلق الله جل وعلا ، لابد ان يكون هذا الابداع يقابله غايه حكيمه ، بمعنى ان لو فى انسان بيوضب شقه وبيجهزها على اعلى مستوى فبيجيب الفرش والاثاث من افخم المحلات وفجأه عرفت انه هيسكن الشقه دى لناس همج يكسرونها ويحطمونها ويضعون فيها حشرات ومواد غير نظيفه فى استعمالهم يبقى الانسان ده حكيم ولا مش حكيم لما يعطى شقته الى على اعلى مستوى لناس همج !! ، ولله المثل الاعلى فلأن ربنا جل وعلا حكيم فى خلقه وابداعه فى خلقه سبحانه وتعالى يستحيل انه يعطى الكون للأنسان ليرتع فيه ويكسر فيه ويعيش حياه عشوائيه ! ويقول انا حر ! فهل ده منطق يعتقده انسان فى ربنا سبحانه وتعالى !!!؟ .
مصطفى : لاطبعاً ، فلأن الكون بالحكمه دى والابداع ده يستحيل ان الغايه من الخلق تكون همجيه وعشوائيه ! .
محمد : ممتاز يامصطفى ،طيب لو قلت لك ان الانسان ده فى حياته ميقدرش يشوف ربنا سبحانه وتعالى لان الانسان قدراته متأهلوش لذلك فى الدنيا ، لكن خليك فاكر ان فى حكمه من الخلق واوامر لازم ينفذها المخلوقين لتنفيذ الحكمه الى اتفقنا انها حكيمه جداً جداً لدقة الخلق الى انت تراه فى الكون ، يبقى بالتالى ربنا سبحانه وتعالى هيرسل لنا الى يعلمنا ، بس مينفعش الا انه يكون مننا علشان يفهمنا وفى نفس الوقت يكون افضل قومه وبرضه فى نفس الوقت يهيأ فيه ربنا سبحانه وتعالى بعض القدرات الى تتيح له انه يستقبل تكليفاته واوامره لعباده لاننا اتفقنا ان الكون خلق لحكمه وغايه حكيمه صح الكلام ؟ .
مصطفى : صح .
محمد : وبكده يبقى ربنا برضه لحكمته فى خلقه يكون عادل معاهم لانه خلقهم ومتركهمش جاهلين او تايهين بيقتلو فى بعض بدون هدف والدليل على كلامى فى عشوائية الالحاد وفلسفته ! شوف الحروب الدمويه العالميه الاولى والثانيه ! الى قامت بعد ثوره علميه وصناعيه فى اوربا ! مع ضرب الدين بالكليه وابعاده عن اى شىء فى الحياه وبسبب الرغبات الاستعماريه حصلت اكبر المذابح فى تاريخ البشريه كلها فى اوربا ! ، بكده تصور معايا لو ان الكون المنظم ده على اعلى مستوى وجمال فى الخلق يعيش فيه همج من غير ما يعرفو الحق فين والضلال فين او الخير فين والشر فين الى هيضرهم وفى نفس الوقت ما يرضى الله عنهم فى حياتهم وما لايرضيه عنهم ، فهنا لازم يكون فى رسل مهمتهم تبليغ الناس بأوامر الله ونهيه لعباده عن فعل معين ، وفى نفس الوقت تكتمل الغايه الحكيمه من الخلق ، فلا يكون الكون كله منظم ويعيش فيه همجيه وبالتالى يناقض الـ لادينى نفسه من ايمانه بالله الحكيم ويجعل الغايه من الخلق غير حكيمه ! .
مصطفى : تمام ............
يدخل احد عمال الشركه ويطلب من محمد الذهاب للمدير !.
محمد : طيب اسيبك انا بقه ونكمل بكره إن شاء الله ، ياله عايز حاجه منى !؟
مصطفى : كنت عايزك تكمل بس بسيطه بكره قريب اوى ...
محمد : سلام يامصطفى .
مصطفى : سلام .

[د. هشام عزمي]

هو الموضوع خلص كده ؟؟ موش قلنا نكمل بكره ؟!

[بحب دينى]

هو الموضوع خلص كده ؟؟ موش قلنا نكمل بكره ؟!
ههههههههههه ، اضحك الله سنك يادكتور هشام ، بكره طول منى شويه معلش انشغلت عن الموضوع تماماً بس إن شاء الله اكمله قريب كاملاً إن شاء الله ، رفع الله قدرك واعزك ونصرك ....اللهم آمين

[بحب دينى]

5...

مصطفى ومحمد تقابلا فى سلالم الشركه ثم قررا الذهاب للمطعم والحديث يدور بينهم فى طريقهم الى المطعم .

محمد : اخبارك ايه يامصطفى ؟
مصطفى : كويس يا محمد ، انت عامل ايه ؟
محمد : بخير- الحمد لله جل وعلا .
مصطفى : محمد ؟انا .....انا .... مش عارف ابدأ من اين !.
محمد : ياعمونا انا الى هبدأ سيبنى انا ادردش شويه بينى وبينك وهتلاقينى بمس وجدانك بكلامى إن شاء الله .
مصطفى قائلاً مبتسماً :ماشى ياباشا .
محمد : انا يمكن اخر مره يامصطفى دخلت معاك فجأه فى الكلام عن الـ لادينيه ورغم انى شايف ان كلامنا كان لازم نخلص بيه
معظم شبهات الملاحده عن الخالق جل وعلا ، فسيبنى "اتركنى " ادردش شويه معاك عن احد شبهاتهم التافهه ومنها قولهم :
من خلق الله ؟، فالسؤال ده قد يفكر فيه ابنائنا الصغار وانت بتعمله عقيدته كمسلم ، او الكبار لما يتجهو بعقولهم نحو الشبهات ...
مصطفى : اه ياعم وهو انا وقعت فى الفكر الالحادى ده الا بسبب .....
قاطعه محمد قائلاً : وطى صوتك احنا ماشيين فى الشارع !!!.
مصطفى : انت جيت " جئت " على الوجع يامحمد ، مهو دى شبهه برضه ، هى ليه المسلمين بيخافو اوى كده من الالحاد !!؟
بحس انهم بيخافو يتكلمو فيه قدام بعضهم او فى الشوارع ، بحس ان بداخلهم خوف على نفسهم وولادهم منه !!.
محمد : ياصديقى المشكله مش فى الاسلام ابداً ، بمعنى انى انا وانا بقولك وطى " اخفض " صوتك ، مبقولهاش لانى خايف من الالحاد ، ابداً واطلاقاً ، فالالحاد ما هو الا شعره على رآى احد المجانين " ساعه تروح وساعه تيجى " ههههه ، المهم الالحاد فى حد ذاته كفكر ، مقدرش انكر انه بيأثر فى بعض الناس ، وده لان الناس الى اتأثرو بيهم غير متعمقين فى الدين ، او تعمقو فى الدين ولكنهم ارادو الدنيا ، الاسلام يا زميلى ما جاء ليعيش المسلم فى قصر وحوله كل شىء وغير محروم من شىء ، طبعاً انا لا اتكلم عن انه يحرم الغنى والمال ، اطلاقاً لكن الملحد عايز " يريد " انه كل شىء فى الدنيا حوله يكون سهل وجميل وفرفشه !!، بالماده والمال ، اقوله انسى ياعمرو ..
ان ارتاح جسمه لازم روحه تلح عليه بتعب لانها ناقصه التغذيه ، الى حتى مش بيلاقيها فى كنوز الدنيا ، فعموماً ممكن لو فى مسلم اطلع فبيكون اطلاعه ناقص او تكبر على المسلمين بعلمه واعتقد انه بلغ مبلغاً فى العلم وتكبر به على الناس والنوع ده بيتغر بالدنيا ، فعموماً والسبب العام فى انى بقولك وطى صوتك هو الجهل المتفشى فى كثير من رجالنا ونسائنا واطفالنا ، نقص فى التعليم الشرعى ، اه لو حسيت بمتعة العلم يامصطفى ، روعه يابنى وانت تتجول وسط قال الله وقال رسوله ثم فسر الصحابه القول بكذه ، وطبعاً لا انكر العلم المادى لكن العلم المادى له حدود مش مفتوح ، فى علوم بتفيد المسلمين مثل التكنولوجيا وغيرها وفى علوم لايخوض فيها الامسلم عارف دينه كويس ، وركز معايا وصحصح " افق من نومك " فى الجمله القادمه دى واحفظها منى ، الاسلام قوى جداً بالحجه ، فالاسلام دين حجه ودين بيان ومن تعلمه بتجرد الى الله جل وعلا وعرف الحق بدليله وصار راسخاً فيه لاتقف امامه بعون الله اى شبهه لانه قلبه مطمئن بالايمان متلذذ بالسعاده ، فكيف تريد من المسلم العامى انه يدخل فى حرب فكريه وهو ممعاهوش اسلحه يتسلح بيها ، انت كده بتقتله !، فلما اقولك وطى صوتك ده غرضى ، العيب فى الناس الذين لايملكون الحجه ولا يريدون العلم لكنهم مسلمون ، فبنحافظ عليهم وبنطلب منهم اى شىء يقع فى قلوبهم يسألو فيه مباشرةً ولما بيترد عليهم بيعرفو كويس عظمة ديننا ، فهمت ياعمنا انا بقولك وطى صوتك ليه !!؟.

مصطفى : فاهم فاهم ياعم ، طيب كمل بقه الرد على اول شبهه قولت هرد عليها ، وهى من خلق الله ؟.
محمد ومصطفى يسيران ويدفعان باب المطعم للدخول ، محمد يبدى اعجابه بباب المطعم ومصطفى مستغرب من ذلك .
مصطفى : ايه الى عجبك فى الباب ده !!؟
محمد : انه الجواب على سؤالك !.
مصطفى : نعم !! انت بتتكلم بجد !؟.
محمد : هقولك ازاى واسمعنى بس ركز فى الباب كويس ، ايه رآيك الباب ده مكون من ايه !؟ .
مصطفى : من خشب ومسامير !.
محمد : طيب لما النجار صنعه ، صنعه ازاى !؟.
مصطفى : صنعه زى ما بيصنعه النجارين فيه ايه يامحمد انت غريب !.
محمد : ياعم جاوب بس وهتعرف .
مصطفى : ! طيب جاب" احضر " شاكوش وخشب ومسامير وبدأ يرتب الخشب كويس ويدق المسامير فى الخشب ويدهنه بالالوان ويركبه فى المطعم !!!.
محمد : جميل بس مين الى لون النجار !!؟، مين الى دق المسامير فى النجار!؟ .
مصطفى : لا طبعاً مينفعش القياس ده ، لان صفات الباب مش هى هى صفات النجار اطلاقاً .
محمد : يعنى لو واحد سألك السؤال الى سألتهولك ، يبقى عقلانى ولا غلطان !!؟.
مصطفى : لاطبعاً يبقى غلطان لان الصفات مختلفه ، فمينفعش اقول ان صفات الباب هى صفات النجار !.
محمد: ولله المثل الاعلى ، فكيف تقيس على الله الخالق انه يُخلق مثل المخلوق !!!؟
مصطفى :...ا مممم ......... صراحاً اقتنعت جداً واجابه منطقيه .
محمد : جميل جداً وادى اول سؤال انتهينا منه ، فلا يقاس صفات المخلوق على الخالق ، نيجى للنقطه الى بعدها ....
الجرسون قاطعمها : تطلبو ايه يافندم !!؟
محمد ومصطفى فى صوت واحد : 2 شاى هههههههه.
الجرسون يذهب مستغرباً !!.
محمد : النقطه الى بعدها الـ لادينيه وانا شرحتهالك قبل كده بس هدخل فيها بتمعن شويه ونبدأ نتكلم إن شاء الله فى كل ما يثيروه الـ لادينين والـ لاادريين عن الانبياء والمرسلين صلى الله عليهم وسلم .......

يتبع قريباً إن شاء الله .

[بحب دينى]

الجرسون يحمل الشاى وقادم الى محمد ومصطفى .
محمد : اشرب الشاى يامصطفى واسمعنى ، احنا " نحن" داخلين الان فى الكلام حول الـلادينيه فعايزك " اريدك " تركز شويه معايا لان كثيرمن ابنائنا اعتنقها بجهل وبغير جهل ، فالملحد كافر بالله اما الـ لادينى حب يقف فى النصف فآمن بالله واعتقد ان ذلك سينجيه مطلقاًوكفر بالرسل !!، وهذا كفر بالحق كاملاً ، لان الكفر بالرسل هو كفر بالله وبالحق الذى ارسله ، فهو كالنصرانى واليهودى والبوذى مثله مثلهم فهم مؤمنون بالله ولكن انصافاً فهم كانو على الحق وحرفو اما هو فبيته خاوى يعبد الله على هوى من نفسه المريضه ، فما يراه خيراً من منظوره يفعله، وما يراه شراًَ من منظوره بيتركه !، وبكده الباش مهندس لادينى فاكر انه هينجو علشان شاكك فى الحساب يوم القيامه فعمل حسابه ! ، وميعرفش المسكين ان الخير والشر لايحددهما الانسان مطلقاً ، فهذا ابن يقطع رجله وابوه الذى يقطعها ، وصاحبنا الـ لادينى لو رآه من بعيد هيقوله : انت ياراجل ياشرير انت بتقطع رجل الولد ليه !، وده منظوره القاصر !، فلما يرد الاب هيقوله ابنى رجله اصابها تسوس فعمل غرغرينا فى رجله ولازم تنقطع رجله والا هتوصل للجسم كله !، ايه رآيك يامصطفى فى صاحبنا ده لما حكم بمنظوره ولما يشوف الحقيقه على اصلها هيغير وجهة نظره !!، طيب مثال تانى !، ايه رآيك فى قانون بتمشى بيه مصر كلها من زمان والقانون ده خرب بيوت كثير رغم ان فقهاء الدستور كما يسمونهم الى عملوه ومش ممكن حد يتصور انهم اردو بينتهم الشر لكن القانون بعد سنين اكتشفو انه شر فعلاً وقانون غبى ، والقانون بأختصار هو ان الزنا بيثبت بشاهد واحد فقط ! طيب وده معناه ايه ! ان ممكن زوج او زوجه يلبسو ازواجهم قضية زنا مثلاً لو سباك فى البيت وعايز يأذى زوجته يقوم مبلغ عنهم ويخرج من الشقه ويتهمهم ويلبسوها بشهادته !!!!، ايه رآيك مش القانون ده بتحكم بيه دوله زى "مثل " بلدنا مصر !!!!، ولو قولنا ان فى ملحد بيشوف ان الزنا خير لانه بيريح شهوته والقتل خير لانه بيأخذ مال بيه ، فهناك برضه ملحد مبيرضاش بالقتل ! ، فهنا المنظور للخير بيختلف ، فقولى بقه لو فى حساب على منظور هوى الانسان مش كان ساعتها كله هينعم !!!؟ لانه كله ما اخطأش ولكنه برر الموضوع او اعتقد انه فيه الخير !! واديك شايف الليبرالين فى مصر بيقول بعضهم بزواج المثليين وده لو حسبه حسابه انه كارثه مكانوش هيتكلمو كده ابداً !!لكن الغباء بيظهر فى النتائج !مش فى الاول !!. وبكده اتكلمنا فى اول شبهات عقولهم انهم هينعمو بناءً على الخير والشر وده باطل من الاساس !

مصطفى : فعلاً انا مقتنع بالجزئيه دى .
محمد : تمام نيجى بقى نتكلم عن ليه هما رافضين الرسل ؟، وهذا ببساطه يامصطفى فى اعتقادى انه ليه سبب واحد وده رآىّ : لانهم زى " مثل " ما قولت لك فى الاول انهم مش عايزين " يريدون " دين من الاساس يحكمهم او يأمرهم بأوامر وينهيهم عن نواهى ! عايزين يكون على مسافه من الكفر والايمان لكن شتان ! فالكفر مله واحده ! لما ترى الكفار جيمعاً فى شتى بقاع الارض ، تجد لو فى حاجه ضد مسلم مبيتوصوش فى الحرب عليه ، فالكافر بينه وبين الكافر الاخر عامل مشترك وهو الباطل ، فتحسبهم جميعاً وقلوبهم شتى ، ساعة المصلحه وحب النفس والانانيه يبيع اخوه ! الا من رحم الله من بعض اهل الكتاب وده من الانصاف الى امرنا به الاسلام.

نيجى لشبهه من شبهاتهم عن الرسل وهى اساس اعتقادهم بإن الرسل يكذبون وحاشاهم صلى الله عليهم وسلم ، وهذا محض افتراء ليس عليه دليل على الاطلاق ، كمن يرى رجل شريف يتهمه بالسرقه ، طيب ليه ياعم ! يقولك انا شاكك فيه بدون دليل ، وده سفه فعلاً انك ترد على انسان زى ده ! ، الانسان الى شهد له بالشرف والخلق هو يتهمه بالكذب او يتهمه بأشنع الصفات علشان هو شاكك وظانن ليس الا ! ولو الدنيا قامت على الظن ده مكناش هنعيش مع بعض لحظه واحده ، انا اشك فيك يامصطفى وقول لو مثلاً شوفتك بتمد يدك على الترابيزه واحنا قاعدين اقول ياترى سرقنى ! وانت تقول ياترى عايز يقتلنى ! وتبقى دنيا الناس كلها بتكره بعض ! ، ونرجع لكلامهم واتهماهم لرسل الله وانبيائه بالكذب وحاشاهم ، اولاً دائماً بيعترضو ببعض الشبهات منها قولهم على النبى صلى الله عليه وسلم انه نقل ممن هم قبله مثلاً من النصارى واليهود ، وده كذب وافتراء وكذلك اتهامهم للنبى صلى الله عليه وسلم بإنه نقل الاعجازات العلميه التى فى القرآن من فلاسفة اليونان وحاشاه ، وطبعاً جهلهم الذريع لما تقولهم النبى كان امّى لايقرآ ولايكتب ، فيرد يقولك نقل هذا شفاهةً ، وهذا جهل ودجل منهم لانه ليس معنى انى اقول لك شىء ويكون فى حد قاله قبلى انى اكون بذلك نقلته منه !
ولو نقلته منه والى قاله اخطأ فى شىء واصاب فى الشىء الاخر فلابد انى انقل خطأه فكيف بى وانا لا اعرف الصواب من الخطأ اصحح انا !!! ، ففلاسفة اليونان قالو اشياء اصاب بعضها وهذا قليل من اقوالهم صحح العلم بعضها وترك الكثير منها ومع ذلك القرآن معظم علماء الغرب يشهد له بالاعجاز العلمى فيه ولم يخطأو اياته التى دونت فى موسوعات الاعجاز العلمى الا حاقدين جهال يكرهون الاسلام فراوغو بشبهات ضحدها علماء اجلاء مثل الدكتور زاكر نيك وهو اشهر من ناظرهم وضحد ترهاتهم ، وكمان حاجه اخيره لو كان النبى صلى الله عليه وسلم سمع وهذه الاشياء مسلمات عند البعض لكانو ساعتها اعترضو عليه وحذرو قومه وقالو نحن من قلنا له او نحن من علمناه او هذه الاشياء معروفه فلا جديد ! فإن كان يخامر الـ لادينى شك ان هناك من علم النبى صلى الله عليه وسلم من البشر وحاشاه لكان ظهر هذا الذى علمه ليأخذ نصيبه بعد بزوغ الاسلام وهذا دائماًَ ما يظهر مع الذين يريدون الدنيا ويسرقو الابحاث بأسمائهم ، فقو لى هل ظهر احدٌ منهم يطعن فى الاسلام ويقول انا من علمت نبيكم !! اعتقد انه لم يظهر عبر التاريخ الا كاذبين امثال مسيلمه الكذاب الذى فضحه الله ، وكذلك ظهر بعض المدعيين للنبوه واعلمنا نبينا صلى الله عليه وسلم بهم وانهم سيظهرون وعندما ظهرو فضحو للعالم وامام الناس ، وهذا لان الله جل وعلا الذى خلق هذا الكون حكيم فيمتنع عقلاً ان يقول لادينى ان الله ليس حكيم وهذا لان الانسان يتصف بالحكمه فكيف بخالقه !!، وهذا الحكيم لن يترك احد يتكلم بأسمه الا ويفضحه حتى لايحتج عليه احد من الناس يوم القيامه بذلك .....

يتبع إن شاء الله .

[بحب دينى]

محمد : واخر كلمه قلتها لك من شويه يامصطفى هى التى ترد على اى شبهه للـ لادينى بالتحديد ان كان مؤمناً بالله ولابد ان يعرف انه حكيم قدير عادل ، فإن عرف هذه الصفات ، سيعلم يقيناً ان هذا الاله الخاللق لن يترك عباده ابداً هملاً فى الدنيا ، فليس من المعقول ان يكون هناك عالم لديه مختبر منظم دقيق ويضع فيه كائنات لانه فقط يريد ان يشاهدها للعب بها ! او يترك فيه كلب او قطه تلعب بهم من اجل اللهو والعبث او حتى يضعهم للزينه ، فهذا المختبر للعالم الحكيم بمختبره ، فكيف بالله الذى له المثل الاعلى !؟ ، هل تظن بربك ان يترك عباده سداً هملاً يقتل بعضهم بعضاً !!؟، سبحانك يارب واستغفرك ، فلو نظر الـ لادينى لحظه وفكر ونظر الى المعتقدات كلها ولو وجد انه لن يعتنقها فلن يخسر شىء ، لان النصرانيه تقول ان المسيح صلب من اجل غفران الذنوب للبشريه وهذا بهتان ولكن هذه عقيدتهم المحرفه ،ومعنى كلامهم ان اليهود الذين قتلو سيدنا عيسى فى اعتقادهم وعلى اعتقادهم سيدخلون الجنه !! ، اذاً لو لم يعتنق احد معتقدهم فلن يخسر يوم الحساب شىء ، ولابد ان نتفق ان هذه الدنيا ما خلقت عبثاً وطالما لم تخلق عبثاً لابد من مجازاه للأنسان الذى التزم بأوامر الله ولابد من عقاب للأنسان الذى ما التزم اوامر الله ، ومن هنا فجدلاً لو ناقشك نصرانى او ناقشك اتباع اى مله محرفه وقال لك انى اريد ان اخلصك فقول له معتقدك يبيح لى ان لا اعتقد اعتقادك وانى منعم وكذلك اليهود فالان ينشرون فكرة وحدة الاديان فهم لامانع عندهم فكما قلت لك عقائد الملل الباطله جيمعاً لاترهبك ولا تخفيك من شىء اذا قرآت فيها ، الا دين واحد ومعتقد واحد لايقبل من الناس الا اعتناقه وسيحاسبون عليه وهو الاسلام ، فكما تلاحظ فى التلفاز وفى خاصة قناة التافه ابو حمالات هههههه دائماً بيحاولو يضحكو على الناس بأفكار يهوديه ونصرانيه ان المسلم دينه يسع الكل وكلنا هندخل الجنه ولو قرآو القرآن وفهموه لعلمو انهم كاذبون مدعون ، فليقرآو سورة البينه وليقرآو سورة الاخلاص بل وليقرآو القرآن كله بأياته ليعلمو ان هذا الدين هو الحق ، قال الله تعالى " وَمَن يَبْتَغِ غَيْرَ الإِسْلاَمِ دِينًا فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ "85 - (ال عمران) ، فقول لى يامصطفى من سيخسر يوم القيامه !!!؟ ، مصطفى لو نظرات الى جميع المعتقدات الباطله ، ستجدها كلها تنقل من بعضها البعض ، فهذه النصرانيه وهذا كرشنا وبوذا !! ، وهذه اليهوديه والنصرانيه وعقائد التجسد !، بل وهولاء الهنود من عباد البقر والفئرات وارجع الى القدم والى الان لعباد الاصنام فى الكنائس وعبادها فى الهند ! وحتى الملحدين فهم مشركون يعبدون ماده ، فترى الملحد يعبد نفسه وان لم يعترف ، يعبد هواه يعبد من حوله خوفاً منهم ان كان منافقاً وان اظهر كفره فيظهره ليعبد نفسه ايضاً من خلال الخضوع لشهواته ، ووالله لو علم التوحيد ما فعل ذلك ، فالتوحيد نزه البشر عن الكفر من اول عبادة الفئران والاصنام الى عبادة انفسهم وشهواتهم وفروجهم ، فأفق يامصطفى هل تصدق تخاريف ودجل المعتقدات الباطله غير الاسلام !!؟ ، يامصطفى لو نظرت الى كتبهم ما صدقت عقلك ! ، فتاره يقولون اله يصلب ! واعتقاد التجسد وتاره عبادة تماثيل ! فما هذا يا مصطفى !!، افق يامصطفى وذكرنى لاعطيك رابط رائع لاحد الاخوه الذين ينسفون الالحاد والادينيه واتباع هذه المعتقادات فى خوارزميته الرائعه .....
خوارزمية الاسلام للأخ ابى القاسم المقدسى (http://www.eltwhed.com/vb/showthread.php?t=31545)
اعلان اسم النبى صلى الله عليه وسلم فى كتب النصارى واليهود بل وحتى البوذيين للأخ ابو حب الله (http://www.eltwhed.com/vb/showthread.php?t=31759)
وهذا ايضاً لنفس الاخ عن البلاغه فى القرآن (http://www.eltwhed.com/vb/showthread.php?t=34235)

يتبع إن شاء الله ، المشهد القادم هو مشهد النهايه فتابعون إن شاء الله .

[أبو عثمان]

ما جئت الا لأشكر جهودك في المنتدى في الفترة الأخيرة -ما فهمت بعض ما كتب بروح ادرس مصري :)-
تبارك الرحمن , اللهم زدهُ هدىً وتوفيقا .

[بحب دينى]

ما جئت الا لأشكر جهودك في المنتدى في الفترة الأخيرة -ما فهمت بعض ما كتب بروح ادرس مصري :)-
تبارك الرحمن , اللهم زدهُ هدىً وتوفيقا .

اللهم آمين ، نفع الله بك وزادك ادباً وعلماً واخلاصاً وتوفيقاً واياى وجميع المسلمين ....اللهم آمين.
واما المصرى يا اخى الحبيب فسامحنى على استخدامه وقد وضحت ذلك من قبل ، رغم انى حاولت فى اخر مشاركاتى فى هذا الموضوع ان اميل الى الفصحه شيئاً ما ولكن بتيسيرها قدر المستطاع لان غالبية الملاحده وللأسف من بلدى مصر فأسأل الله ان يهديهم وان يرزقهم نعمة الاسلام وان يثبت فؤادنا على دينه ...اللهم آمين

[بحب دينى]

...6
مصطفى بعد يومين يقابل محمد فى نفس المكان الذى اعتادو على المقابله فيه ..

محمد : ها كيفك شكلك مبسوط رغم ان فى اشياء كثير فاتت منى لكن طبعاً مش هوصيك تدخل منتدى التوحيد هتلاقيه فيه
ما لاتتصور ، فتاره ابحاث علميه وتاره مقالات وتاره حكايات رائعه وتاره تائبين تملأ قصصهم المنتدى ، التى عندما يقرآها المسلم
يشكر الله على نعمة الاسلام ولو رآها الكافر يغتاظ ويقول ماذا وجد ولم اجده انا ؟ والجواب انه تواضع وانت يامن لم تسلم تكبرت
ترى الدنيا اعمت عينيك... وما لك منها بدون عملك من نصيبُ
مصطفى قائلاً لمحمد ....
طيب يامحمد انا اقتنعت ان الاسلام هو الحق من كل المعتقدات لكن ادخل اى اسلام ؟ اسلام الشيعه ولا السنه ولا اسلام الصوفيه ولا اسلام المعتزله ! يامحمد الاختلاف ده تعبنى ، انا احترت ومبقتش عارف اعمل ايه !؟ .
محمد قائلاً : ايه رآيك فى اسلام النبى صلى الله عليه وسلم وصحابته ؟
اليس هم الاصلح ان نأخذ منهم ديننا !؟ بعيداً عن الخلافات لو انت طلبت العلم ورجعت للأدله وعرفت الحق من الائمه المشهود لهم بالصلاح من امثال الائمه الاربعه وعرفت ايه فهم الصحابه للدين كما جاء فى حديث الفرقه الناجيه واحاديث الحث على اتباع سنة النبى صلى الله عليه وسلم والخلفاء الراشدين المهديين من بعده وان نتمسك بالسنه وان نعض عليه بالنواجز وان نتجنب المحدثات من البدع وان نتمسك بما كان عليه النبى من العبادات التوقيفيه مع الابداع فى المباح مثل التكنولوجيا وغيرها فديننا دين الامه الوسط دين الرحمه ، لو نظرت فى السنه لتجد ان هذه الفتن التى نعيشها حذرنا منها رسول الله صلى الله عليه وسلم وعلمنا نعمل ايه فيها ...
مصطفى : هو انت منهم يامحمد ، هو انت سلفى !!، يامحمد انا متأكد ان السنه هما اهل الحق لكن فى السنه فيه جماعات واختلافات، ياترى اتبع مين !؟ الاشاعره ولا السلفيين ولا الاخوان الى فيهم سنين ملتزمين وفيهم بعض من يتبع المذهب الاشعرى ! ولا اتبع جماعة التبليغ ؟ ولا اتبع مين بس انا احترت ؟
محمد : هو انا جبت لك سيرة حد منهم دلوقت يامصطفى !؟ ، انا كل كلامى بالتحديد انك تتبع النبى بفهم صحابته الذين شهدهم واقرهم على امور وعلمهم امور اخرى وعدل لهم فى بعض الامور ، فهم احسن الناس فهماً للدين ، لما نختلف انا وانت فى تفسير حديث او ايه فلا بد نشوف مين الافهم فى المسأله علشان يقولنا الحق فين ، لانهم هم من شهدو الرساله وهم اعلم الناس بها وخصوصاً ان ربنا سبحانه وتعالى مدحهم فى القرآن واثنى عليهم وعرفنا سلوكهم وسبيلهم وكذلك حذرنا من المنافقين وحذرنا رسوله من الفرق التى ستقوم على باطل ، اما الجماعات السنيه يامصطفى فعليك بدواء جميل ، عليك ان تتعلم الحق بدليله ثم تساعدهم جميعاً فيما سيصيبون فيه من الحق ، بمعنى انت الان تعلم ان فى مصر حرب مع العلمانين وغيرهم لتطبيق الشريعه ، وهنا لو افترضنا ان هناك اخ من الاخوان المسلمين واخ من السلفيين واخ من جماعة التبيلغ هدفهم الشريعه وقائمين على الحق معك فتعاون معهم لانهم اخوانك ، لكن نفترض انهم اتفقو على خطأ او فى حد فيهم اخطاً ، من هنا متساعدش على الخطأ لكن تعاون على الخير ان كان موجود ،فكلما اقترب الانسان المسلم من الحق فأحبه وعاونه، ولو كان فيه شر وخير نصف نصف بمعنى ان نصفه خير ونصفه شر ، فأنت بتكره الشر الى فيه وبتحب الخير الى فيه برضه ، ومن هنا بيقوم مجتمع مسلم على مسلمين على مر الزمان عالمين بأمور دينهم فاهمينه مثقفين به ، فلو افترضنا ان المجتمع كله بقه على ثقافه وعلم اكيد هنتغير قريب جداً إن شاء الله.
وكلما تعلمت العلم الشرعى كلما ارتحت شيئاً فشيئاً وكلما ناديت فى صلاتك يارب مخلصاً من قلبك ، بمشيئة الله سبحانه ستصل الى الحق ، هى دى المتعه واللذه الى مبيشعرش بيها الكثير يامصطفى لو عرفو حكمة ربنا سبحانه فى تجديد ايمان عبده به وان ربنا سبحانه وتعالى بيبتليه حتى يرجع له منادياً يارب ارنى الحق ، لساعتها قالو يارب نشهد اننا ظلمنا انفسنا واننا قاصرةٌ عقولنا ، فانت الحكيم وانت العليم سبحانك يارب العالمين ...
اللهم ارنى واياك الحق يامصطفى بدليله واسأل الله ان يهدينى واياك لما يحب ويرضى ...اللهم آمين
مصطفى :تنزل من عينيه عبره سريعه ..

محمد : ياه يامصطفى كان نفسى اشوف الدمعه دى ومستنيها منك ...
قلها يامصطفى قلها ...
مصطفى : اشهد ان لا اله الا الله ...واشهد ان محمد رسول الله .. صلى الله عليه وسلم ، توبت الى الله وندمت على ما فعلت واسأل
الله ان يغفر لى ما مضى انه هو الغفور الرحيم ...
محمد يأخذه فى حضنه ويقبله من رآسه ويقول له اهلاً بيك يا اخى فى الله ... اسأل الله ان يبارك لك فى حياتك وان يرزقك الخير كله ..اللهم آمين
مصطفى ومحمد فى نفس واحد قائلاين :
2 شاى بسرعةةةةةةةةةةةةة ههههههههههههههههه
الجرسون قائلاً انتو ايه حكايتكم مع الشاى ولا علشان مصريين!؟
-------------------
تم بحمد الله ومنته ونعمائه والحمد لله ، فما من نعمة وما من خير وما من توفيق فمن الله سبحانه ، وما من خطأ او ذلل فمنى ومن الشيطان، واعوذ بالله من الشيطان الرجيم ومن النفس الاماره بالسوء وانى اسأل الله جل وعلا ان يوفقكم لما فيه الخير ...اللهم آمين ، سبحانك اللهم وبحمدك ، اشهد أن لا اله الا انت ، استغفرك واتوب اليك .

[د. هشام عزمي]

الله يفتح عليك ..

[بحب دينى]

الله يفتح عليك ..

اللهم آمين اخى الحبيب واياك وكل المسلمين.
هناك بعض الاخطاء اللغويه واللفظيه والنحويه يا اخوانى واسف لان الحوار كان مصرى قح (:
مثل كلمة الخالق كتبتها فى مره الخاللق فى احدى مشاركاتى خطأ ...

[هشام بن الزبير]

واحد شاي يا عم,
فكرة جميلة وصياغة موفقة, يبدو أننا سنحتاج لوسائل للكشف عن المواهب الكامنة في المنتدى.
بارك الله فيك أخي الكريم بحب ديني.

[بحب دينى]

وفيك بارك الله أخى الغالى ...وأما الشاى فإن اردت وضعته لك على النار أخى الغالى :cool:

[بحب دينى]

هناك تنويه بسيط وهو ان كلامي عن علاقة الانسان بالدين والحكمة من الخلق : في كلامي عن الحكمة وبدأي في الرد على الــلادينية انما هو عن حاجة الانسان للدين وان هذا فضل من الله وكرم منه على العباد وتفضلاً منه ان ارسل اليهم هذا الدين وانعم به عليهم .