وتاه الدكتور في الزحمة!!

[الفرصة الأخيرة]

وتاه الدكتور في الزحمة
والكلاب ما بتعرف رحمة

آه

أنا مش ثورجي
ولا عصبجي

ذنبه إيه ولدي يموت
ويتحرم من أكل التوت

لكن ميتا وخراب ديار
دا اتقتل ودا اتجرج
ودا اتحرق بيته بالنار

كل دا وتقولوا حرية
ومرة تانية ديمقراطية؟

هو خلاص الوش انكشف
والفاجر ما عاد ينكسف

الكلام بيهرب مني
خايف تسجنوه
وابني التاني بيبعد عني
خايف تقتلوه

ضاعت معاكوا بلادنا
وقتلتوا بديكوا ولادنا
وخليتوا نهارنا سوادنا
ودمرتوا في جامعنا المدنا

وتقولوا كمان حرية؟
وتاني ديمقراطية؟

فينها لما حرقتوا البيت؟
وفينها في تَجْرِيفكوا الغيط؟

ابني اللي اتقتل شاهد

وبيتي اللي اتحرق شاهد

وغيطي اللي اتجَرَّف شاهد

والقنابل
والرصاص
الكل عليكوا شاهد

ولازم يجي اليوم
ونصحى تاني من النوم

أما الدكتور
فآه على الدكتور!

سلطوا عليه زبالة
واحدة صايعة شغالة

ضربته في راسه بحديدة
جريمة مش جديدة

دي جيهان
ودي سعيدة

جريمة مش جديدة

وأخيرًا وقفتوا الانتخابات
والثعلب خلاص أهو فات
وفي ديله سبع لفات

ومنعتوني أَعَلِّم ع الدكتور

واتفرجي يا دنيا

وهذه هي الحرية التي تنادي بها العلمانية... وتلك هي العلمانية تظهر بوجهها الصحيح.
لكن إذا كانوا قد سلبوني حريتي الظاهرية.. ألا فليعلموا أن حريتي في قلبي لأنها مستمدة من إيماني
وإيماني في قلبي لن يصلوا إليه أبدًا

............

[الفرصة الأخيرة]

ودي كانت بدايتهم مع الدكتور:
http://70.84.212.52/vb/showthread.php?p=28830#post28830

ولو تحب تشوف أخبار:
http://www.ahram.org.eg/Index.asp?CurFN=fron1.htm&DID=8694
http://www.ikhwanonline.org/Article.asp?ID=16542&SectionID=0
http://www.ikhwanonline.org/Default.asp
http://www.ikhwanonline.org/Article.asp?ID=16543&SectionID=0

وما خفي كان أعظم!!