شر البلية ما يضحك .. هتطلع هتنزل هجبلك جمال

[أسلمت لله 5]

السلام عليكم ورحمه الله

كنوع من الترفيه اليكم هذه الطرفه لكاتب حلمنتيشى يريدكم ان تشاركوه شعوره نحو نظام مبارك والذى مثله فى قصيدة بعنوان (من حسنى مبارك إلى الشعب المصرى)
هتطلع هتنزل هجيلك جمال


--------------------------------------------------------------------------------

يا شعبي حبيبي يا روحي يا بيبي



يا حاطك في جيبي يابن الحلال



يا شعبي يا شاطر يا جابر خواطر



يا ساكن مقابر وصابر وعال

http://www.shaharah.net/upload/Image/1/7/7_903430304.jpg

يا واكل سمومك يا بايع هدومك



يا حامل همومك وشايل جبال



يا شعبي اللي نايم وسارح وهايم



وفي الفقر عايم وحاله ده حال
http://www.edlal.com/upload/NewsImages/image/%D8%B9%D8%B4%D9%88%D8%A7%D8%A6%D9%8A%D8%A7%D8%AA/0010.jpg


أحبك محشش مفرفش مطنش



ودايخ مدروخ وآخر انسطال

http://uploads.ajayz.net/uploads/13357996151.jpg

أحبك مكبر دماغك مخدر



ممشي أمورك كده باتكال



وأحب اللي ينصب وأحب اللي يكدب



وأحب اللي ينهب ويسرق تلال

http://www.a5bar-elshare3.com/wp-content/uploads/106187.jpg

وأحب اللي شايف وعارف وخايف



وبالع لسانه وكاتم ما قال



وأحب اللي قافل عيونه المغفل



وأحب البهايم وأحب البغال

[IMG]http://1.bp.blogspot.com/_e2G5h4lodRQ/TBB5m15XgJI/AAAAAAAABHY/IQlE6vnDi6k/s400/%D8%AD%D8%A8%D9%8A%D8%A8%20%D8%A7%D9%84%D8%B9%D8%A 7%D8%AF%D9%84%D9%89.jpg

وأحب اللي راضي وأحب اللي فاضي



وأحب اللي عايز يربي العيال



وأحب اللي يائس وأحب اللي بائس



وأحب اللي محبط وشايف محال

http://www.bhareez.com/wp-content/uploads/2011/02/depression_t260.jpg

وأحبك تسافر وتبعد تهاجر



وتبعت فلوسك دولار أو ريال



وأحبك تطبل تهلل تهبل



عشان مطش كوره وفيلم ومقال
http://img.youm7.com/images/issuehtm/images/youm/gamaher1322012/1.jpg


وأحبك تأيد تعضض تمجد



توافق تنافق وتلحس نعال



تحضر نشادر تجمع كوادر



تلمع وتقمع تظبط مجال



لكن لو تفكر تخطط تقرر



تشغل مخك وتفتح جدال



وتبدأ تشاكل وتعمل مشاكل



وتنكش مسائل وتسأل سؤال


http://www.massi7e.com/Files/Image/2012/2/Question-Mark-Man.jpg
وعايز تنور وعايز تطور



وتعمللي روحك مفرد رجال



ساعتها حجيبك لا يمكن أسيبك



وراح تبقى عبره وتصبح مثال

http://arabic.cnn.com/2012/libya.2011/1/26/Libya.UN/Gal.libya-prison.jpg_-1_-1.jpg

حبهدل جنابك وأذل اللي جابك



وحيكون عذابك ده فوق الاحتمال

http://www.iraqmemory.org/iNP/Upload/24171253_01.jpg



وأمرمط سعادتك وأهزأ سيادتك



وأخلي كرامتك في حالة هزال



وتلبس قضيه وتصبح رزيه



وباقي حياتك تعيش في انعزال

http://boxnewskw.com/wp-content/uploads/2011/12/%D8%A7%D9%84%D8%B3%D8%AC%D9%86.jpg



حتقبل ححبك حترفض حلبك



حتطلع حتنزل حجيبلك جمااااال

[قلب معلق بالله]

حضرتك اللى كتبتها ؟

[Maro]

وأحبك تسافر وتبعد تهاجر
يا حبيبى يا مبارك... ماكنت أعرف انك بتحبنى كل الحب دا !

[Maro]

أخى "أسلمت لله"... هذا تعليق على مباراة كرة قدم جائنى على الإيميل، فنقلته لكم هنا مع بعض التنقيح :):

البلد مع مبارك... مبارك باصاها لعمر سليمان... سليمان لشفيق... مزنوقة مع شفيق... يرجعها لسليمان تاني... سليمان معرفش يتصرف... رجعها لمبارك تاني... مبارك أرضية للمجلس العسكري... العسكري ماشي بالبلد... ماشي بالبلد... يقطعها الثوار !
لكن شفيق يعرقل الثوار بغباوة... الحكم مش هنا !... شفيق تاني... يتلخم فيها... يشوطها بره ويطلع وراها .

أوف سايد... يديها الحرية والعدالة للنور... النور يمشي بيها... لكن المجلس العسكري يعرقل النور... والحكم مطنش خالص !
ياخدها يحيى الجمل... الثوار ماسكينه... يرفعها الجمل لعصام شرف... للعسكري... للسلمي... و هوباااااا الجنزوري يظهر
جميلة بينية على صدر الجنزوري... يعدي من الثوار... ويرفعها ورا خط الاخوان... عمرو موسى يظهر... لكن اوفسايد على عمرو موسى... عبد المعز بيقول مفيهاش حاجة !
لكن يظهر حازم... يخطفها حازم من عمرو... يعدي من شفيق... الشاطر بيقول له: باصي... لكن حازم متقدم وحده بمهارة عالية... يعدي من حمدين... ومن ايمن نور...
حازم هو والجون... هو والجون... هو والجووووون
يباصيها للشاطر وان تو لحازم تاني... هوبااااا ، المجلس يقص حازم... عرقلة غبية !
حامل الراية يقول فاول لحازم... بس الحكم عامل مش واخد باله ويقول فاول على حازم... وكارت أحمر لحازم !!!
اعتراض من الشاطر على قرار الحكم... أوباااااا وكارت أصفر للشاطر... الحكم في ورطة... طبعاً مضطر يرفع الكارت الأحمر لسليمان هو كمان...

خرج حازم وسليمان... وشايف محمد مرسي بيسخن... ياترى هينزل مكان الشاطر ولا مين ؟... بالفعل يخرج الشاطر وينزل محمد مرسي... والفاول يرفعه العسكري فووووووووووووووووووووووق... يستلمها شفيق على صدره... يحاول يقطعها أبو الفتوح... لكن شفيق يعدي... يحاول حمدين... لكن شفيق يعدي... يحاول مرسي يقطعها... يعدي شفيق لكن يتكعبل... شفيق يقع... يقوم تاني... يتكعبل تاني...
يقومه الحكم !.... يباصي لموسى هات وخد... شفيق متقدم... متقدم... يعدي... شفيق عايز يشوط... هيشوط... هيشوووووووط
مش ممكن... الجمهور كله نزل الملعب... وطبق في زمارة الحكم وفي زمارة شفيق... ورماه بره الملعب هو والعسكري... واتلغى الماتش !!!

وسامع الهتافات من كل الجماهير: ارحل يعني امشي ، ياللي مبتفهمشي !

[أمةُ الله]

جميل.........
نوع آخر من الفضفضة....وشر البلية مايضحك.
في الجزائر نقول:هَمْ يْضَحِّكْ وَهَمْ يْبَكِّي.
أكيد ستتدخل القدرة الإلهية ، وستمنع هذه المؤامرة ، وتنقذ الشعب المصري المسلم من ألاعيب العلمانيين وأتباع اليهود.
هذا ظننا في الله ، وأتمنى أن يتمسك الشعب المصري المسلم بالله لأنه الملجأ الوحيد وغيره دمار أكيد.
وانتصار الشعب المصري المسلم هو انتصار للأمة الإسلامية جمعاء وانتصار لفلسطين الحبيبة بالضرورة.
جزاكما الله خيرا.

[أسلمت لله 5]

مش ممكن... الجمهور كله نزل الملعب... وطبق في زمارة الحكم وفي زمارة شفيق... ورماه بره الملعب هو والعسكري... واتلغى الماتش !!!

وسامع الهتافات من كل الجماهير: ارحل يعني امشي ، ياللي مبتفهمشي !

هههههههههههههههه

أضحك الله سنك أخى مارو

تصوير ممتاز


حضرتك اللى كتبتها ؟

لا ..القصيدة كنت سمعتها على قناة الرحمة فى برنامج للشيخ امين الانصارى .



في الجزائر نقول:هَمْ يْضَحِّكْ وَهَمْ يْبَكِّي.

نفس المثل متداول عندنا ..

جزاكم الله خيرا جميعا وندعو الله ان يوفق جميع البلاد المسلمة ويحميها من شر الفتن ما ظهر منها وما بطن

[ريوم]

هههههههههههههههههههههههههههههههه حقت الماتش احلى حاجة ، وكمان القصيدة ابدااااع

[أسلمت لله 5]

هههههههههههههههههههههههههههههههه حقت الماتش احلى حاجة ، وكمان القصيدة ابدااااع

:thumbup: