السلام عليكم ورحمة الله وبركاته:
أنا فتاة ابلغ من العمر الان 20سنة وهذ قصتي ابغى حل الله يخليكم:
عندما كان عمري 14 سنة من الله علي بالهداية والالتزام وحلاوة الايمان وكنت الوحيد من بين اخوتي الملتزمة وكنت عندما ارى اخوتي يسمعون الغناء ويلبسون الحجاب غير الساتر كنت انصحهم وحتى اخواني عندما يجلسوا مع اصحابهم ويستمعون للغناء كنت انصحم وكان والدي فخورين بي مع انه والدي لم يكونوا ملتزمين و لكنهم محافظين وعندما نذهب للبحر مع اخوتي واخواني وانا لا كشف وجهي هناك جميعهم يستهزئوا فيه يقولوا شكلك زي الخيمة وأاكرمكم الله وزي كيس القمامة وانا اقول الحمد لله لمن يقولوا علي اي شيء انا بس اقول الحمدلله ولمن اخواني يزورونا في البيت ويشوفوني يقولوا شوفوا المطوعة جات ..
ودايم كنت اقل لماما انا احس اني مرتاااااااااااحة قالت هذا من الايمان يابنتي..
وكنت لمن ازعل وابكي عشان مااحد يبغى يسمع نصيحتي كنت اروح اصلي وبعد مااصلي احس براحة وماما تقولي وجهك ماشاء منور يابنتي ...
ولكن
ذات يوم جلست مع ابي( الله يسكن روحه الفردوس الاعلى) في صالة الجلوس وكان يستمع الى محمد عبده بس بابا ماكان يسمع اغاني لا بس محمد عبده شوي يعني المهم ونصحته قلتله يابابا الاغاني حرام ليش تسمعها قالي يابنتي هذه غذاء للقلب الواحد مو دايم مقفل على نفسه يعني شوي كذا وكذا وانا من النوع لمن اقعد اتكلم مع بابا في اي موضوع لازم دمعتين تنزل لأنه ماشاء الله عليه شخصية وحبوب في نفس الوقت..
وبعدين جاء زوج اختي يقعد معاه وانا رحت انام عشان عندي مدرسة المهم نمت وياليتني مانمت...
صار شيء انا ماكنت اتوقعه ابدا ولا خطر في بالي بعد ماما ماصحتني لصلاة الفجر واتجهز للمدرسة حسيت بشيء غريب مع انه امس كنت في احسن حال اول ماصحيت قلت (هو في الله) والله العظيم انه الايمان كله اللي كان عندي والراحة اتنزعت ياناس ياعالم الايمان الي كان بقلبي كله راح القلب صار فاضي ..
ولمن رحت المدرسة قاعدة افكر ياربي انا ايش سويت ليش صارلي كذه والله العظيم اني احس انه انا صرت غريبة عن الناس احس انه انا مو زي الناس انا لوحدي في عاااااااااالم ثاااااااااااني..
الكلام ذا صار لي وانا 15 سنة يعني بعد سنة من التزامي..
ومرت السنين
16 سنة
17 سنة
18 سنة
19 سنة
20 سنة
وانا على هذه الحالة ولا احد يعرف بحالتي ابدا لا ماما ولا بابا ولا احد انتوا اول ناس تعرف لأني بصراحة مرررررة تعبت...
5 سنين وانا اعاني من اصعب لحظات حياتي حتى احيانا اقول ياليتني مالتزمت لو كنت عادية احسن..
مااادري ليش صارلي كذة انا غلطت بشيء..
حتى علامات الساعة والقبر والموت كلها اعوذ بالله اقول هي فيه
بس ليش هذه الحالة جاتني
والسنة الماضية بابا مات وطبعا انا ماصدقت انه مات قلت دحين فين حيروح وانا الين الحين اقول انه حيرجع..
حتى كل ماتقدم احد لخطبتي ارفض لأني ماابغى اتزوج الا وانا حالتي رجعت زي اول ماابغى اتزوج وانا بهذ الحالة ماابغى الرجال يتعب معايا..
وانا دايما ادعي في الروضة وفي مكة وانا صايمة وكل مكان ياربي زدني ايمانا ياربي ارزق قلبي بالإيمان
ابغى ياناس حلاوة الايمان انا مررررررررة مفتقدتها وانا الحين دايما عصبية ومهممومة وبس افكر امي تقلي تفكري في ايش اقلها ولا شيء عادي طبعا هي مو مصدقتني فانا اجيبلها اي عذر وانا ولله الحمد لسة مستمرة في حجابي وصلاتي ومتأملة اني ارجع زي اول..
قبل 3 سنين سافرنا ابها وكنا في شقة وكان اهلي كلهم نايمين انا كنت نايمة ولمن صحيت تصدقون انه ايماني الي فقدته رجع ثاني فقمت اجري اتوضيت وصليت حمد وشكر وقريت قران ونمت وصحيت رجعت الحالة اتنزع الايمان من قلبي..
وانا غلطتي اني سكت وماقلت لأحد السنين هذه كلها..
فهذه قصتي فهل من حل لديكم.... ابغى حل بسرعة الله يرضى عليكم.....
Bookmarks