انا شايف مع احترامى للجميع ان المنتدى يوجد به سلبيه كبيره جدا جدا
لان معظم محاورين المنتدى بيضيعوا وقتهم على اشياء ليس لها قيمة
ثانيا
لماذا لا تقدمون موضوعات تفيد الملحدين
انا شايف المفروض يكون النقاس للملحد التائه مش الملحد المجادل
يعنى نفسى اشوف موضوع ينتهى بأن الطرف الاول اقتنع بكلام الطرف الثانى نفسى اشوف موضوع ايجابى مش موضوع جدال وكل طرف يستخف بعقل الطرف الاخر وهذه اكبر مشكله ان الطرفين يعتقدوا ان الطرف الاخر جاهل وانه هو العقل المدمر
انا شايف مثلا ان معظم المواضيع تنتهى دون استفاده لان كل واحد مؤمن بكلامه
يعنى مثلا انا قريت فى موضوع عن العصب اللى فى الحنجرة اللى ملوش لازمة (ده راى الملحد)........ولقيت المحاور ابو حب الله كاتب صفحة كبيرة جدا اكيد اخذت من وقته سعات طويله
وفى الاخر الطرف الاخر مقتنعش واللى شوفته فى الموضوع انه تقريبا لم يقرء المشاركة اصلا الا بعد الاسطر القليلة
وبكده ضاع مجهود الحاور على الفاضى
الوقت الذى ضاع كان ممكن يستفيد به ناس تانية
لماذا لم تفكروا بعمل موضوع كبير يدل على وجود الله وكل محاور يضع ما لديه ويكون دليل على وجود الله
يوجد ملحدين كتير يريدون الهدايه وكتير يريدون المجادلة
وعن تجربه انا عملتها عن نفسى انا الفترة اللى فاتت داعية ربنا بالدموع ان يعرفنى الحقيقة وان اكون من عباده
حيث اغتسلت و دخلت فى الاوضه بتعتى وبكيت لله وقت طويل انه يعرفنى الحقيقة
وكررت هذه العمليه والبكاء كان اكثر وانا كل ما احتاجه هو الطريق الصحيح
لكن عندما انام واصحى اشوف كل حاجة زى ما كانت عليه من قبل نفس العقل الالحادى نفس العصبية بتعتى ونفس كل شىء
لحد ما تعبت الصراحة ......بس لم ايئس ابد ومستحيل ان ايئس
سوف ابحث عن الحق طوال حياتى
فكروا ازاى تفيدوا الملحدين بالطريقة الصحيحة........احنا اهلكم ومنكم وليس اعدائكم
وبالمناسبه انا اخويا شيخ وابى قبل وفاته حج ومات بعدها على طول وامى متدينه
Bookmarks