قامت قناة المحور منذ شهرين تقريبا بأستضافة شاب ملحد و عميد كلية اصول الدين جامعة الازهر.
عنوان الحلقة هى "العالم السرى للملحدين" انا عملت الموضوع دة لانة مش موجود عندكو هنا فى المنتدى.
المفروض كان موضوع الحلقة عن "حقوق الملحدين فى الدستور" لكن تطرق الحديث الى حجات تانية
الجزء الاول : http://www.youtube.com/watch?v=EXs8i2oOt8s
الجزء الثانى : http://www.youtube.com/watch?v=xVFithFixdY
ملاحظاتى على هذا اللقاء.
1_لقاء مالوش لزمة من الاساس لانة صور للناس (اللى جوا و اللى برا) أن فية ملحدين فى مصر و دة احنا عرفينو لكن المفروض مكانش طلع.
2_كنت اتمنى انهم يستضيفو حد متخصص فى موضوع الالحاد و يكون عندة خلفية علمية و عن ايدولوجيات الملاحدة زى د/عمرو شريف.
3_الضابط اللى اتصل الصراحة حاجة تعر بيقول للولة الملحد انتا الرسايل اللى جاي توصلها من برة و انتا ممول "اتهام بالعمالة" و انا ارفض توجية هذة الاتهامات للولة الملحد كان من الاحسن احتضانة و يجبولو حد متخصص فى هذة الامور يتكلم معاة مش نقولو انتا عميل
4_عجبتنى مداخلة الطبيب النفسى
5_الواد الملحد اللى اتصل فى اخر الحلقة قليل الادب و كذاب بيقول "مصر فيها ملايين الملحدين" و انتا مين قالك الكلام دة ؟؟؟ معاك احصائية ؟؟ ولا هو اى كلام ؟؟ بيقول لعميد كلية أصول الدين "أنا حافظ القران كلة و حافظ احاديث أكتر منك" وطبعا احنا عارفين أن الكلام ببلاش مانا ممكن اقول انى اعلم اهل الارض بالفيزياء
و طبعا ال BBC ما صدقت و عملت تقرير عن الملحدين فى مصر و عن حقوقهم http://www.bbc.co.uk/news/world-26129199
ما رأيكم فى الحلقة ؟؟
Bookmarks