من المسيحيه الى الالحاد ثم البحث من جديد

تحياتى لكم جميعا
اسمى (...)
من اقباط مصر (سابقا) اعرف ان معرف لادينى قد يظن البعض انى ملحد لكن العكس وهذا ماستعرفونه من ما سأقوله:

كعاده المسيحين يعلمنا القساوسه ان يسوع هو الحق وانه صلب ليخلصنا من ذنوبنا

كانت الاسئله كثيره لابى وانا صغير فكان يقول لى اسكت هكذا لن يحبك يسوع يسوع لا يحب من يسأل كثيرا

ببساطه صدقته لانه ابى وانا احبه ومضت الحياه عاديه جدا حتى جائت فتره الثانويه العامه

كنا فى الغالب فى فتره الابتدائيه و الاعداديه يكون هناك فصل يضمنا مع القليل من المسلمين لم اكن اعرف لماذا لكن

المهم الثانويه العامه لايوجد فيها هذا النظام

وانما يكون توزيع الطلبه على حسب المواد التى يختارها

انا احب المواد الادبيه اخترت التاريخ فى الصف الثانى و الفلسفه والعلم نفس فى السنه الثالثه

انا اذكر هذه المواد تحديدا لانها كان لها تأثير فى تغير فكرى
بهذه الطريقه اصبحت وسط مجتمع اسلامى الفصل كله مسلمين وانا وزميل اخر فقط مسيحيين

ولكن الغريب انى لم اجد معامله سيئه منهم ابدا بل العكس

ولكن الذى اثر فيا كثيرا هو

شاب يدعى (...)

وكان اسلام شاب مهذب ومحترم للغايه عكس ما كانوا يقولون لنا فى الكنيسه وعكس ما كنت اسمعه من ابى وامى

المهم
كان اسلام صديق بمعنى ىالكلمه يقول لى ما ينبغى ان افعله فى دراستى ينصحنى

ولى معى عده مواقف كانت بالنسبه لى صدمات تهز الاساس الذى انا عليه من دينى ولكن كانت صدمات مفيده

بلهجه بلدنا صدمه تفوق الواحد

الموقف الاول

كانت عندى مشكله فى البيت مع والدتى كنت قد اغضبت امى كثيرا

وجدنى اسلام زعلان قلت له ما فعلته طبعا كنت منتظر منه انه يقولى لالا والدتك غلطانه المفروض ماكنتش تعصبك

ولا تضايقك لكن العكس تماما اللى حصل

اسلام وجدته عضبان جدا منى ويقولى حد يزعل امه انت كده زعلت ربنا منك

واخذ يذكر لى ماذا يقول القرأن فى قيمه الام والاب

وعجبت جدا عندما تذكرت ما كانوا يقولونه عن القرأن انه كلام شيطان لاتسمعونه ابدا حتى لاتكونوا فى الجحيم

ويكون يسوع راضى عنكم

وقلت فى عقلى هل الشيطان ممكن يوصى الابن كده بامه وابيه

وده اول موقف

تانى موقف كان بعد الامتحانات خرجنا انا واسلام وبنتمشى قلت لاسلام انا خايف جدا من النتيجه

ياترى هنجيب مجموع كويس

رد بكل ثقه وقالى ربنا مش بيضيع اجر من يحسن العمل وقالى على فكره ان كل ما بصلى بدعى لينا احنا الاثنين اننا ننجح ونجيب مجموع كويس

وانا من كسوفى قلتله وانا كمان بصلى وبدعيلك تعجبت من كيف ان هذا الانسان يحب كل الناس لافرق عنده بين

مسيحى ومسلم لكن عندما كان يسمع الاذان يتركنى واقفا خارج المسجد ويترك كل ما كان بيده حتى ولو

شىء مهم جدا

كان اسلام ومازال شخص محورى فى حياتى هو من جعلنى انظر نظره مختلفه الى الاسلام


ليس اسلام من جعلنى انظر فى المسيحيه بعين مجرده من التعصب

بل كان لديكارت والغزالى سببا رئيسيا فى فهمى لمعنى كلمه اله خالق للكون

وكمان ساعدتنى الفلسفه فى ادراك ماهيه الالحاد وهى السفسطه يعنى مثلا كانت الاستاذه المسؤله عن شرح الفلسفه

عندنا اسمها كان غريب شويه كان اسمها (...) المهم

انا فاكر شرحها للسفوسطائيين كأنه النهارده

كانت تقول انهم يجمعون الصفه ونقيضها

ستقول لى ما هى اهميه الموضوع هذا وعلاقته بالالحاد بل له اهميه كبيره من وجهه نظرى جعلتنى

اعرف معنى كلمه خالق ومخلوق

فعندما اسأل من خلق الله ؟

هذا سؤال سفوسطائى قديم اقولك ازاى انا فهمته

كانت الاستاذه ذكيه جدا فى شرح هذه النقطه حيث كانت تقول

انهم ينسبون الصفه ونقيضها فى نفس الوقت مثل الطالب غائب ولا غائب

اللى من مصر ودرس فلسفه عارف المثال اللى فات ده كويس

المفيد :ان سؤال من خلق الله يجمع الصفتين الصفه ونقيضها

اى انا اقول الله خالق ولاخالق لانى اقول من خلقه

والمدرسه بكده ازالت اول الافكار التى كانت تصارعنى فكريا

وبعدين جائت المدارس الفكريه المختلفه

وكان غالبيتهم يجمعون بالايمان بما يروه امامهم فقط

والعجيب ان قديمهم وحديثهم كان كذلك بالرغم من فرق وسائل العلم التى كانت ايامهم

كان قديما لايرون البيكتريا والكائنات الدقيقه مع انها موجوده ومع ذلك لم يكونوا يؤمنوا بها

قكانت حواسهم خادعه لهم

وعلى ذلك تصبح المدارس الماديه فاشله لان فكرها مؤسس على الفكر القديم ولكن بالنسبه لى لم تكن نهايه الفكر المادى عند

سارتر او كانط او نيتشه

لكن عندما درست ديكارت والغزالى عرفت معنى البحث عن الحقيقه ومعنى الانتقال من الشك الموجب وليس السلبى الى معرفه ان هناك اله خالق للكون

هولاء كانوا من وجهه نظرى منصفين لانفسهم لم يكونوا متكبرين لذلك وصلوا للحقيقه

انا بكده تأكدت ان فى اله خالق للكون لكن حتى الان لم اشك فى مسيحيتى الا

بعد دخولى الكليه انا دخلت كليه (...) قسم (...)

كان هناك سؤال قبل دخول كنت بسأله لشماس الكنيسه عندنا فى (...)

كيف يكون الواحد ثلاثه والثلاثه واحد
وكان بيغلبنى كالعاده ويقنعنى بفلسفه بعد كده عرفت انه بيضحك عليا

هتقلولى عرفت منين؟

اقولك ببساطه دراستى للتاريخ جعلتنى اترك المسيحيه وخاصه التاريخ الفرعونى

اقولك ان وجدت ديانتى طبق الاصل هى ديانه القدماء المصريين

اقولك بالتفصيل

عندنا فى القسم ندرس المعابد المصريه هذا المعابد تكرس لعباده الهه معينه

كانت المفاجأه لى ان وجدت غالبيه المعابد مكرسه لثلاثه الهه الاب والام ولابن

مثال: معبد المعبوده موت فى الدير البحرى فلا الاقصر مكرس لعباده
موت الام وهى على شكل امرأه يعلوها نصف دائره تمثل القمر
وزوجها آمون
وابنهم خونسو
مش بس كده
فى الكنيسه هناك ما يسمى المذبح او الهيكل

وللعلم انه لايوجد معبد فرعونى لايوجد به المذبح او الهيكل وده بيسموه (the sanctuary )

نفس الفكره ونفس الطقوس وهقولك على الطقوس

مايسمى بحرق البخور يتقدمه الكاهن الاعلى وحرق البخور حول المذبح بواسطه الكاهن الاعلى

تسمى العمليه ب burning incense


ده مش تشابه بس لو حد بيشوف فى عيد القيامه المجيد الطقوس هيغرف انا بتكلم فى ايه
واخر سبب
اناجيل المنيا
اناجيل المنيا هى من اقدم نسخ الاناجيل الموجوده فى العالم

يطلق عليها اناجيل المنيا عشان عثر عليها فى مدينه فى صعيد مصر اسمه المنيا

وتحديدا فى تل العمارنه ومقابر بنى حسن

اناجيل المنيا تختلف تماما عن اناجيل اليوم فى شىء جوهرى جدا وه الاتى

معروف ان رمز المسيحيه هة الصليب اى

من المفترض ان يكون هناك رمز الصليب على الكتب والمخطوطات القديمه

لكن الحقيقه كانت بالنسبه ليا نهايه علاقتى مع المسيحيه الى الابد

وهى ان المز الموجود على الكتب والمخطوطات هو رمز العنخ (3nkh)

هتقولى ده معناه ايه

معناه الحياه ويشير الى التغيير والثوره بعد اى فتره اضمحلال او خمول

وممكن تشوفوا لوحه الملك مينا (نعرمر) اللى قام بثوره ووحد القطرين فى المتحف المصرى او على النت وهتعرفوا قصدى ايه

المهم حاولت استفسر واسال الشماسين والقساوسه كانت الردود صعبه واحيانا كانوا يسبونى

واحيانا اخرى كانوا يتركونى

راسلت بعضهم عبر الانترنت ولكن ايضا دون اجابه

تغلب الشيطان على وجعلنى اشعر بالاحباط قلت اذا كان دينى هكذا ونحن مازلنا مؤمنين به

والذين يعبدون القر مصرين على عبادتهم وكل انسان له مبرره الذى يعيش من اجله ويعبد من اجله الهه

وهذا يقول انا على حق والاخر يقول انا على حق

الحدت فتره وكنت من الواد الدائمين للمنتدى المشهور بدون ذكر اسماء بس انا هلمح

عليه لانى فعلا شايفهم كده المجانين العرب

المهم انا بطبيعتى عنيد يعنى مش ممكن اقتنع بشىء الا لما يكون واضخ وصريح

دخلت معاهم فى التريقه والاستهزاء وساعتها انا كنت عادى يعنى مش بشرب خمره ولا بزنى ولا الكلام ده

بس هى مرحله من اليأس وده اللى عرفته من المنتدى ملخصه انهم مختلفين عنى يعنى

انا كنت فاكرهم عباقره ذى ما بيقولوا لكن الحقيقه وجدتهم مجانين
ودى ملاحظاتى اللى خليتنى اترك الالحاد

معظم اسباب الالحاد من وجهه نظرى هى

1-الغرور وحب الظهور زى مابقولوا عندنا فى مصر( خالف تعرف)

2-التكبر وعدم الرغبه فى اى قيد يفرض عليك سواء من دين او انسان او قانون دوله

لذلك يقومون بالهجوم على كل السياسات العربيه

واذكر عندما يذكرون اندونيسيا او ماليزيا او السعوديه او اى دوله عربيه تجد السب والقذف والاستهزاء

اما امريكااو اسرائيل او اى دوله محله اجتماعيا وحضاؤيا تجدهم يهللون ويسجدون لها

كمان انا شفت عندهم خلط فى بعض المصطلحات

مثل ربطهم للحضاره بمعناها الذى نعرفه جميعا بما يسمى حضاره اوروبيه

وهذا من وجهه نظرى خلط غريب

الحضاره هى تقدم ثقافى وفكرى ورقى فى الاخلاق والاداب ويكون حال المجتمع هو الذى يؤدى الى التقدم المادى

المفيد للمجتمع

لكن العكس صحيح فى اوروبا والدول المتقدمه ماديا

تقدم مادى وتقهقر حضارى وذلك ظلم كبير لانفسهم

فذلك جعلهم مثل التروس التى تعمل فى المكينه

وهناك اسباب اخرى كثيره اظن معروفه لكم جميعا

بعد ما مكست 6 اشهر على المنتدى ما بين المسيحيه والالحاد

قررت ان اعيد البحث من جديد بعد ان تأملت قليلا فى نفسى وفى ما حولى من مخلوقات

وساعدنى فى ذلك ما درسته من اسلوب الغزالى وديكارت

اخيرا قررت ان الاسلام قد يكون هو الذى ابحث عنه

وشعرت انى اكون سلبى لو جلست اما هذا الجنون من سب وقذف وشتم

وتركت الالحاد بلا رجعه والمسيحيه بلا رجعه

والان

ارجو من اعضاء المنتدى المسلمين فضلا وليس امرا

1- المساعده فى غربله بعض الشبهات واجابتى على بعض الاسئله التى عندى عن الاسلام

وذلك ليس بغريب لان الرحله مابين المسيحيه والالحاد خلفت عندى رواسب فكريه تجعلنى فى صراع داخلى

مابين الرفض والاستسلام

وتتلخص مساعدتى فى نقطتين

اهمها اريد كتب تتحدث بموضوعيه عن محمد لماذا لانى من كثره ما قيل لى عنه خاطئا

جعلنى اشك فى كونه نبى ام لا او هو فليسوف ام ماذا

ثانيا اى كتاب مفيد قد تعتقدون انه سيفيدنى فى هذه المرحله

وبعد ان اقرأهم سأرد عليكم عشان لو فى اسئله اخرى او شبهات لسه باقيه ممكن اسالكم عنها

بس
وشكرا

انا عارف ان لغه الموضوع ركيكه بس انا بحكى بلغتى العاديه مش بحب التكلف ولا الاصطناع


تم حذف الأسماء والأمور التي تدل على شخصية العضو.
متابعة إشرافية.
مشرف 4