قصة شاب , يطلب المساعدة من اخوانه الكبار ,,

السلام عليكم ورحمة الله

تعبت من هذا الزمان , ومن هذه الحياة التي لا ترحم , وكم اهوى أن أعيش مرتاح البال , بعيد عن ضوضائية الافكار .

أعذروني فسأتحدث بالعامية :

والله تعبت يا ناس ,,, من التفكير بهذه الحياة , على كلن , بدي أحكي عن حياتي شوي ,وياريت تساعدوني ,(( انا مسجل معكم من زمان )) وبدخل على موقعكم , باستمرار , يعني من اهل البيت المهم
انا من لما كنت بالبكالوريا , كنت بحلم , بحياة حلوة بالجامعة , وانو بالجامعة بدي أتفرغ لكتير شغلات منو اني اقوي نفسي دينيا , وان ادخل مجال تعلم الدين الاسلامي , بكل قوة
انا طالب هندسة , وقلت ياربي بالجامعة , بدي اصير كذا , وبدي اعمل كل لرضاءك , وبدي أصير محاور , ومن هالحكي ياشباب
ومنو كمان , انو اعمل كتير شغلات ما عملتها بحياتي
وهيك لوصلت لهي المرحلة الجامعية , وما لقيت شي قدامي , لا عم اتعلم شي عن ديني , لك هو اصلا ما عم اعرف من وين بدي بلش .؟
وتانيا - يعني كل الأمال والحياة الحلوة يلي بدي عيشها , ويلي مقرر عيشها بحياتي الجامعية , ما شفت شي منهن .
وبعد انتهاءي , من الدراسة , الثانوية , ادمنت على التدخين , مع انو كنت بدخن من قبل , بس هلأ علنا و صرت مدمن عليها ,
تالتا - فكرت حالي انو بدي زيد ثقافتي العامة بهي المرحلة ,, وانو بدي اقرأ واقرأ واقرأ كل شي عن الكون واتعلم الكون , بكل تفاصيله , طبعا بالاضافة الى اختصاصي بمجال الهندسة
وهيك لهلأ , ما قرات مقالة متل عالم والناس
رابعا - حياة الجامعة , كلها بنات وجروبات , واجواء كتيرة , ما بحبها , اصلا احكي الصراحة هي الحياة كنت بدي ياها تكون ثانوية بحياتي , واعيشها , واعيش شبابي
بس والله شفت شي منها ,,يا هل ترى هالشي , من رب العالمين ,, لحتى اكون بقربه وما التهي
خامسا - بما انه لا يوجد احد يعرفني , هنا , مع انو صرلي فترة منيحة مسجل بالنتدى ,, واسمي مستعار , مشان ما زكي نفسي امامكن , بدي احكيلكن
انو كنت من الشباب يلي ما بيتركوا المسجد , وكنت من الشباب ,,, الخدام لبيت رب العالمين , بس كل تغير , ليش هيك يا الله , كل شي تغير بحياتي
تركت المسجد , يلي كنت بخدمته , كل مساء , كنا انا وخادم لوحدنا نعمل بالمسجد ,, بساعده و منظف المسجد , ومنعبي مي للناس هالشي كلو اختفى
حتى الخادم صار يسأل عني , وينو محمد , ليش ما عاد اجى ,
يلله لما كنا نحط الاكل ايام رمضان للناس , وكنا نلعب بالمي ,, لما نشطف ارضية الجامع ,, يالله ما احللى هديك الايام

ومع ذلك كنت بوقتيها , اتمنى اعيش شباب ,, بعد سن 18 , واني اكون متل شباب هالعصر, بس والله ما عيش ولا شي
ومع ذلك ,, ما عم استغل وقتي منيح لارضي ربي , وارضي نفسي واهلي , يعني الشغلات المحللة الي ما عم اعملها

ممممممممم
شو بدي احكي لسه , عائلتي ,, على طول مشاكل معهن , على طول , يعني بيجيلي اوقات انو بفكر اهلي , بيكرهوني , انا منبوذ ,من ويوم يومي

انا يا شباب ,,, عايش عمر اكبر من عمري ,
يعني من انا وعمري 4 سنين , كنت بحب اني اصادق ناس اكبر مني , وهيك ربيت , ولما كنت بصف العاشر , كنت بقعد مع ناس عمرهم , 40 و 45 سنة , واقل واحد عمرو 25 سنة
وهيك بتعلم منهن اشياء من عمرهم ,,, وهيك بحس حالي انو انا مو من جيل اصدقاءي يلي بالكلية , وبعتبر حالي انو شطيت عن هي المرحلة .

انا روح قلبي انو اقعد مع جدي , ومع الختايرة يلي بالحارة واتسمعلهم , والجيران لما بشوفوني قاعد معهم , بيستغربوا , حتى اهلي ,, بيقولوا روح واقعد يلي من جيلك , ومن قدك
شو بدك بالختيارية ,,, وانا ما برد عليهم

ما بعرف , شو بدي احكي لسه ,,, يعني يا هل ترى الابواب مسكرة بوشي ,,

وان شالله تكون وصلتلكم الفكرة

ياريت تساعدو اخ الكم في الدين ,,,

واذا في اي سؤال , الو علاقة بالجواب يلي بدكم تعطوني ياه انا جاهز

وبانتظاركم

السلام عليكم