شر البلية ما يضحك .. هتطلع هتنزل هجبلك جمال

حضرتك اللى كتبتها ؟

يا حبيبى يا مبارك... ماكنت أعرف انك بتحبنى كل الحب دا !

أخى "أسلمت لله"... هذا تعليق على مباراة كرة قدم جائنى على الإيميل، فنقلته لكم هنا مع بعض التنقيح

البلد مع مبارك... مبارك باصاها لعمر سليمان... سليمان لشفيق... مزنوقة مع شفيق... يرجعها لسليمان تاني... سليمان معرفش يتصرف... رجعها لمبارك تاني... مبارك أرضية للمجلس العسكري... العسكري ماشي بالبلد... ماشي بالبلد... يقطعها الثوار !
لكن شفيق يعرقل الثوار بغباوة... الحكم مش هنا !... شفيق تاني... يتلخم فيها... يشوطها بره ويطلع وراها .

أوف سايد... يديها الحرية والعدالة للنور... النور يمشي بيها... لكن المجلس العسكري يعرقل النور... والحكم مطنش خالص !
ياخدها يحيى الجمل... الثوار ماسكينه... يرفعها الجمل لعصام شرف... للعسكري... للسلمي... و هوباااااا الجنزوري يظهر
جميلة بينية على صدر الجنزوري... يعدي من الثوار... ويرفعها ورا خط الاخوان... عمرو موسى يظهر... لكن اوفسايد على عمرو موسى... عبد المعز بيقول مفيهاش حاجة !
لكن يظهر حازم... يخطفها حازم من عمرو... يعدي من شفيق... الشاطر بيقول له: باصي... لكن حازم متقدم وحده بمهارة عالية... يعدي من حمدين... ومن ايمن نور...
حازم هو والجون... هو والجون... هو والجووووون
يباصيها للشاطر وان تو لحازم تاني... هوبااااا ، المجلس يقص حازم... عرقلة غبية !
حامل الراية يقول فاول لحازم... بس الحكم عامل مش واخد باله ويقول فاول على حازم... وكارت أحمر لحازم !!!
اعتراض من الشاطر على قرار الحكم... أوباااااا وكارت أصفر للشاطر... الحكم في ورطة... طبعاً مضطر يرفع الكارت الأحمر لسليمان هو كمان...

خرج حازم وسليمان... وشايف محمد مرسي بيسخن... ياترى هينزل مكان الشاطر ولا مين ؟... بالفعل يخرج الشاطر وينزل محمد مرسي... والفاول يرفعه العسكري فووووووووووووووووووووووق... يستلمها شفيق على صدره... يحاول يقطعها أبو الفتوح... لكن شفيق يعدي... يحاول حمدين... لكن شفيق يعدي... يحاول مرسي يقطعها... يعدي شفيق لكن يتكعبل... شفيق يقع... يقوم تاني... يتكعبل تاني...
يقومه الحكم !.... يباصي لموسى هات وخد... شفيق متقدم... متقدم... يعدي... شفيق عايز يشوط... هيشوط... هيشوووووووط
مش ممكن... الجمهور كله نزل الملعب... وطبق في زمارة الحكم وفي زمارة شفيق... ورماه بره الملعب هو والعسكري... واتلغى الماتش !!!

وسامع الهتافات من كل الجماهير: ارحل يعني امشي ، ياللي مبتفهمشي !

جميل.........
نوع آخر من الفضفضة....وشر البلية مايضحك.
في الجزائر نقول:هَمْ يْضَحِّكْ وَهَمْ يْبَكِّي.
أكيد ستتدخل القدرة الإلهية ، وستمنع هذه المؤامرة ، وتنقذ الشعب المصري المسلم من ألاعيب العلمانيين وأتباع اليهود.
هذا ظننا في الله ، وأتمنى أن يتمسك الشعب المصري المسلم بالله لأنه الملجأ الوحيد وغيره دمار أكيد.
وانتصار الشعب المصري المسلم هو انتصار للأمة الإسلامية جمعاء وانتصار لفلسطين الحبيبة بالضرورة.
جزاكما الله خيرا.

هههههههههههههههه

أضحك الله سنك أخى مارو

تصوير ممتاز
لا ..القصيدة كنت سمعتها على قناة الرحمة فى برنامج للشيخ امين الانصارى .


نفس المثل متداول عندنا ..

جزاكم الله خيرا جميعا وندعو الله ان يوفق جميع البلاد المسلمة ويحميها من شر الفتن ما ظهر منها وما بطن

هههههههههههههههههههههههههههههههه حقت الماتش احلى حاجة ، وكمان القصيدة ابدااااع