هل يوجد خالق للكون؟ومن هو؟وهل القرآن كلامه ؟وهل محمد رسوله؟

*****************************
************************
***********************
****************
**************
**********
****
****************************
السلاااااااااااااام عليكم ورحمة الله وبركاااااااااته
وصلي اللهم وسلم وبارك علي سيدي ومولاي محمد صلي الله عليه وسلم
اما بعد
انا دخلت المنتدي ده وعندي شكوك ووساوس تشيلني ووساوس تحطني
والحمد لله اني الان افضل من الاول بكتيررررررر
وحسيت اني اخترت الاسلام
مش بس انا تولدت كده
انا مش في علمكوا ولا يقينكوا _الكلام للمسلمين_ بس انا في الموضوع ده
انا هاقولكو علي اشياء ثبتتني علي عقيدتي
يمكن تفيد الناس وربنا يهدي بيه

المهم مش اطول عليكو

ناخد المساله تاتا تاتا (وحدة وحدة يعني)

1 - هو الكون ده ملهوش خالق !!!!!!!!!!!!!!
نبتدي الكلام
طيب يبقي عندنا احتمالات
اما الانسان اللي خلق نفسه
وده مرفوض من غير تعليق
او الصدفة اللي خلقته
وده بالظبط زي اللي بيقول ان كان فيه زلزال في مدينة كذا
ادي الي بناء 10 مصانع مكرونة طبعا بالالات بتاعتهم
والعمال بالمرة
هبل بهبل بقااا
وطبعا اسيب لمن يؤمن بالصدفة التصديق عالكلام ماهو لو قال اه يبقا مكانه العباسية
ولو قال لا يبقا ده المطلوب

وكمان حاجة لو الصدفة هي اللي خلقت الانسان فرضا يعني
كانت عالاقل هتخلق من كل نوع حاجة
لكن من كل نوع زوجين
ده منتهي الاستهبال لو حد قال كده



وكده بطل دليل ان الصدفة تكون اوجدت الكون



نيجي للجماعه اللي بيقولو ان العدم هو اللي اوجد الكون

وده بالضبط زي ما اقولك انا هطلع من حلة مطبوخ فيها لحمة جاتوه ولا كيكة
بقا ده كلام
بالضبط زي ما تقول لابنك وانتو في صحراء مش فيها حد
ومش معاك ولا قرش ابيض
انا هاعطيك مليون جنيه
والله ابنك ممكن يقول بابا اتهبل

بقا الانسان والكائنات الحية هتطلع من لاشئ بدون قوة خارجية
وبعدين الخلق يدل علي ارادة كاملة
والعدم ولا فيه ارادة ولا يحزنون طب ده بقا ازاي ان شاء الله نتخلق من لاشئ بدون قووة عظمي



وكده بطل اننا وجدنا من العدم بدون قوة عظيمة



اللي يقولي بقا تطوووووووووووور
اقولك انت اللي دماغك فيها تطور للاسوأ
طب ولو نفترض ان كلامك صح
طب يا ابو الصح
مين اللي اوجد مكونات الخلية الاولي
فضلا بقا عن ان لو القرد تطور لانسان
طب فيه قرودفي الدنيا ليه
ماكانت تطورت مع اللي تطور ولا هو هبل وخلاص
وعندكو المنتدي مليان للرد علي شبهكو


المهم كده توصلنا لوجوب وجود خالق
ولله الحمد



طيب الخالق ده بقا يبقا مين
ندخل من نقطة كلنا عارفنها
ان عشان الخلق ده يكون
لازم الخالق يكون حي قدير عالم خبير
طب ليه
((((((
فالخالق حي لأنه أراد أن يخلق , ولولا أنه أراد لما فعل. لأن الأفعال لا تتحق من تلقائها بل هي بحاجة إلى إرادة تكون سببا في وجودها. والخالق قدير لأنه استطاع أن يخلق , ولولا أنه استطاع لما فعل. لأن الإرادة لا تتحلق من تلقائها بل هي بحاجة إلى قدرة تكون سببا في تحقيقها. والخالق عليم لأنه قصد , ولولا أنه قصد لما أراد. لأن الإرادة لا تكون إلا بالعلم , ذلك أن للإرادة قصد. وأن القاصد لا بد أن يعلم مقصده. فوجود الكون بحد ذاته هو دليل على أن هناك خالق علم فأراد فقدر.
))))))) __ودي مقتبسة من كلام اخي الفاضل فجر الدين ربنا يبارك في عمره ويفرج كربه____


طيب يبقا كده الخالق لازم يكون ذو صفات كمال عليا
والكمال يقتضي ان الخلق ده مش للعبث
صح ولا لا

يعني مثلا واحد عنده عربية
ومشغل الموتور من غير مايكون ماشي
يعني نازل من العربية وسايب الموتور شغال
واحد في الشارع هيقوله
ياعم انت الموتور شغال يرد عليه ما اناعار
هيقول الراجل ده اهبل بقا

ده بالضبط اللي بيقوله اللا دينين
يعني كل عضو في جسمك ليه حكمة وانت ملكش حكمة
ياحلاوووووة ونعم العقل

اكيد ليك وظيفة في الحياة
وبعدين هو ربنا قالك طول النهار صلي وصوم وظيفتنا تعمير الارض والعبادة
وبعدين احنا البشر اللي اخترنا التخيير
فواجب علينا نعمل اللي ينفعنا


واقوال اللادينين
اللي بيقولوا
هو رب بالعظمة دي يامر الناس وينهيهم ويثوبهم ويعاقبهم
هو هيفيده ايه ؟؟؟؟

اقوله مش هيفيده حاجة ياذكي
بس اقولك بقا كلامك ده اكبر دليل علي عظمة ربنا
هيقول ازاي
اقولك يا عم
لو حد قالك رئيس جمهورية كذا
ما لوش دعوة ببلده خالص ولا واضع قوانين ولا يحزنون
وسايب اللي يسرق يسرق واللي يقتل يقتل
كل اللي بيعمله بيوزع الاكل والشرب وكل الادوية وكل نعم علي كل واحد في الدولة بالتساوي
اللي سرق زي اللي مش سرق والكل عنده واحد

بالله عليك هتقول ايه
هتقول ده اهبل

شكراااااااا هو ده رايك في التمثال اللي انتو حاطينو في دماغكوا وبتقولو خلق الكون ونفض ايديه
وبعدين الخلق يدل علي حكمة وكل خلية ليها دور
يبقا الخلق مالوش هدف
طب ازاااااااااااااااااي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟



ولو جيت قولتلك ان رئيس دولة كذا
كل يوم بنزل لرعايه ويلف علي بيوتهم ويسالهم عن حاجاتهم ويحققها ليهم
وامرهم ان يعملو كذا ومايعملوش كذا
ومفهمهم مصلحة ده ليهم
والصالح فيهم يزودله الاجر ويعطيلوه اكتر
والعاصي ياخد بايده ويفهموا ان الللي بيعمله ده غلط ويبعتله اكتر من رسالة
عشان يرجع للطاعة
ويقول لكل واحد في دولته انتو اطلبوا مني ملح طعامكو وانا اديهلكوا


بالله عليك تقول في ده ايه
اقل حاجة تقوم تقفلوا تعظيم سلام
وتحييه علي اللي بيعمله


ولله المثل الاعلي
عرفتو قا ان انتو بتستهبلوا


المهم بعد ده كله

ثبت الاتي ان للكون خالق
وان هذا الخالق كامل عظيم
وان الخلق ليه سبب



طيب بعد ده كله عايزين نثبت ان الخالق ده هو الله

اولا من اللي قلناه فوق
والدنيا دار اختبار فمش ينفع حد يقولي ربنا يوري الناس نفسه في الدنيا و يقول للناس ان الخالق فاعبدوني
والا كده مفيش اختبار اصلاااا

المهم الخالق ده عظيم ومن عظمته وحكمته استحالة هيسيب الكون كده من غير رسايل
ولا اي شئ

ولذلك ارسل الرسل
واستحالة بقا فوق ال200 نبي ورسول من اشرف البشر
يتفقوا علي الكذب وهم اصلا من ازمان مختلفة

ويقولو ان الله لا اله الا هو

وكان لو فيه اله اخر هو اللي خلق الكون

مش بعت رسله ليه
علي مدار البشرية من اول يوم فيها
يعني من يوم بداية الكون من مليارات السنين
هيكون الاله ده سايب اللي يقول انا اله ومفيش اله غيري
وساكت ماهو يا عاجز وبكده اصلا مش يبقا اله ولا خالق
او مش عالم بده وبكده النتيجة واحدة
وبعدين لم يدعي احد الالوهية الا بهت وبان كذبه
النمرود وفرعون مثلاااا




وبكده ثبت ان الخالق هو الله

----------------

يتبع


عشان انا صايمة النهاردة وراحة افطر


سلااااااااااااااام