ثورة مصر اﻹسلامية (ليميز الله الخبيث من الطيب)

الناشط إبراهيم العوضي

السيسي بيقول إحنا عارفين إن مش كلهم مسلحين، بس كنا نعمل إيه لو كان فيه 10 ,20 ,50 واحد مسلحين وسط الناس في اعتصام بالحجم ده؟
قائد الجيش مش عارف يعمل إيه لو فيه 50 مسلح وسط آلاف المعتصمين.
أقولك أنا:
طبق عليهم اتفاقية جينيف لحقوق الإنسان في حالة "حرب"..
آه والله زي ما بقولك كده..
اعتبر يا أخي الـ50 واحد دول جيش بيحاربك وفيه وسطهم مدنيين.
عارف اتفاقية جينيف لحقوق الإنسان في "الحروب" بتقول إيه يا قائد الجيش؟
المادة 33 من اتفاقية جينيف بتحظر تماماً العقاب الجماعي بما في ذلك التهديد والإرهاب، وتمنع معاقبة شخص على جريمة لم يرتكبها هو شخصياً. وبتجبر الجيوش المحاربة على توفير "الحماية" للمدنيين وتمنع بث الذعر بينهم. وبتمنع التعامل معاهم بقسوة أو تعذيبهم أو الاعتداء على كرامتهم.
وبتدي للنساء والأطفال امتياز استثنائي في وجوب ضمان أمنهم وسلامتهم.
- طيب هنعمل إيه لو عمل أحد المدنيين دول مخالفة تضر بجيش (لا مؤاخذة) الاحتلال؟
أقولك يا سيدي..
مادة 68 من اتفاقية جينيف بتقول طالما العمل ده لا يشمل اعتداء على حياة أفراد قوات الـ (لا مؤاخذة) احتلال ، يمكن حينها اعتقالهم وحبسهم بما يتناسب مع المخالفة اللي ارتكبوها.

اقفل بس قاعة الأفراح اللي كنت بتتكلم منها عشان تعرف تذاكر كويس، وإنت هتعرف الجيوش بتعمل إيه لما يتعاملوا مع مسلحين بينهم مدنيين